మా (మూవీ ఆర్టిస్ట్స్‌ అసోసియేషన్‌) ఆధ్వర్యంలో ఆదివారం ఆర్టిస్ట్‌లకు హెల్త్‌ క్యాంప్‌ జరిగింది. పలువురు నటీనటులు ఈ అవకాశాన్ని సద్వినియోగం చేసుకున్నారు. ఈ సందర్భంగా ఎఐజి హాస్పిటల్‌లో ఏర్పాటు చేసిన మీడియా సమావేశంలో 'మా' అధ్యక్షుడు విష్ణు మంచు మాట్లాడుతూ, 'మా' సభ్యులకు ఎఐజీ వారు ఫ్రీ హెల్త్‌ చెకప్స్‌ చేశారు. సెవెన్‌ స్టార్‌ ఫెసిలిటీస్‌తో మాకు సేవలందించారు. ప్రపంచవ్యాప్తంగా పేరొందిన డా.నాగేశ్వర్‌ రెడ్డిగారు 'మా' సభ్యులందరికి ఈ బెనిఫిట్‌ ఇవ్వడం ఆనందంగా ఉంది. మరో ఆరునెలల లోపే మా బిల్డింగ్‌కి భూమి పూజ చేస్తాం. మా సభ్యుల వెల్పేర్‌, హెల్త్‌ మా ప్రధాన కర్తవ్యం. సినిమా టికెట్‌ రేట్ల విషయంలో నేను మాట్లాడలేదని విమర్శించారు. కానీ ఇప్పుడు టికెట్‌ రేట్ల వల్ల ఇబ్బందులు అంటున్నారు. ప్రభుత్వ సహకారం ఉంది కాబట్టి, పెంపు దేనికి అవసరం అనేది ఇండిస్టీ డిబేట్‌ చేసుకొవాలి. మా సభ్యత్వంకి సంబంధించి స్ట్రిక్ట్‌ రూల్స్‌ పెట్టాం. అలాగే సభ్యుల అవకాశాలకు కూడా ఒక కమిటీ ఏర్పాటు చేశాం' అని తెలిపారు.
'మూవీ ఆర్టిస్ట్స్‌లకు ప్రివెంట్‌ హెల్త్‌ చెకప్‌ చాలా అవసరం. వరల్డ్స్‌ బెస్ట్‌ 50 హాస్పిటల్స్‌లో ప్రివెంట్‌ హెల్త్‌ కోసం ఏమి చేస్తారో ఆ ఎక్వీప్‌మెంట్‌ మా హాస్పిటల్‌లో ఉంది' అని డాక్టర్‌ నాగేశ్వర్‌ రెడ్డి చెప్పారు.
