ప్రేక్షకులు ఎప్పుడెప్పుడా అని ఎదురుచూస్తున్న ఫన్ ఫ్రాంచైజీ 'ఎఫ్‌3'. ఈ నెల 27న థియేటర్లలో నవ్వుల హంగామా సష్టించడానికి ఈ సినిమా రెడీ అవుతోంది. అనిల్‌ రావిపూడి దర్శకత్వంలో వెంకటేష్‌, వరుణ్‌ తేజ్‌ సమ్మర్‌ సోగ్గాళ్ళుగా సందడి చేయబోతున్నారు. దిల్‌ రాజు సమర్పణలో శిరీష్‌ ప్రతిష్టాత్మకంగా ఈ చిత్రాన్ని నిర్మించారు. అన్ని వర్గాల ప్రేక్షకులను అలరించే వినోదాత్మక అంశాలతో పక్కా బ్లాక్‌ బస్టర్‌గా రూపొందిన ఈ చిత్రం నుంచి పార్టీ సాంగ్‌ ఆఫ్‌ ది ఇయర్‌ను చిత్ర బృందం రిలీజ్‌ చేసింది.
''పార్టీ సాంగ్‌ ఆఫ్‌ ది ఇయర్‌'గా వచ్చిన 'లైఫ్‌ అంటే ఇట్లా ఉండాలా' సాంగ్‌లో వెంకటేష్‌, వరుణ్‌ తేజ్‌లతో అగ్ర నాయిక పూజా హెగ్డే సందడి చేయడంతో ఈ పాట సినిమాపై భారీ అంచనాలను పెంచేసింది. సంగీత దర్శకుడు దేేవి శ్రీ ప్రసాద్‌ ఈ పాట కోసం క్యాచీ డ్యాన్సింగ్‌ ట్యూన్‌ని కంపోజ్‌ చేశారు. ఆయన తనదైన శైలిలో స్వరపరిచిన ఈ సాంగ్‌లో పూజా హెగ్డే డ్యాన్స్‌ మూమెంట్స్‌ నెక్స్ట్‌ లెవెల్‌లో ఉండటానికి అవకాశం ఇచ్చింది. వెంకటేష్‌, వరుణ్‌ తేజ్‌ కూడా ఈ పాటలో తమ గ్రేస్‌తో అదిరిపోయే మూమెంట్స్‌ చేశారు. నాగినీ మ్యూజిక్‌కి పూజా, వెంకటేష్‌, వరుణ్‌ తేజ్‌ చేసిన స్నేక్‌ డ్యాన్స్‌ మాస్‌ని అలరించేలా ఉంది. ఈ సాంగ్‌లో సునీల్‌, రాజేంద్ర ప్రసాద్‌ ఎంట్రీ కూడా అందర్నీ ఆకట్టుకుంటోంది. ఈ పాటకు కాసర్ల శ్యామ్‌ అందించిన సాహిత్యం కూడా క్యాచీగా ఉంది. మనిషి పెద్ద కలలు కనాలి, జీవితంలోని ప్రతి క్షణాన్ని ఆస్వాదించాలనే సందేశం ఈ పాటలో ఉండటం విశేషం. రాహుల్‌ సిప్లిగంజ్‌, గీతా మాధురి ఫుల్‌ ఎనర్జీతో పాడిన ఈ పార్టీ సాంగ్‌లో పూజా హెగ్డే గ్లామర్‌ స్పెషల్‌ ఎట్రాక్షన్‌గా నిలిచింది. 'ఎఫ్‌3' మ్యూజికల్‌ ప్రమోషన్స్‌లో భాగంగా ఇప్పటికే విడుదలైన రెండు పాటలు చార్ట్‌ బస్టర్స్‌గా నిలిచాయి. లేటెస్ట్‌గా రిలీజైన 'లైఫ్‌ అంటే ఇట్లా ఉండాలా' సాంగ్‌ పార్టీ సాంగ్‌ ఆఫ్‌ ది ఇయర్‌గా నిలుస్తూ, ఇన్‌స్టంట్‌ హిట్‌ అయ్యింది' అని చిత్ర బృందం తెలిపింది.
