కె.ఎం. ఫిల్మ్ ప్రొడక్షన్స్‌ పతాకంపై సంతోష్‌. స్నేహ, మైత్రి హీరో, హీరోయిన్లుగా నటిస్తున్న యాక్షన్‌, రీవేంజ్‌ డ్రామా చిత్రం 'రుద్ర సింహ'.
మనోహర్‌ కాటేపోగు దర్శకత్వంలో మనోహర్‌ కాటేపోగు, ధరగయ్య బింగి, ఆంజనేయులు నంధవరం, కోటేశ్వర్‌రావు జింకల ఈ చిత్రాన్ని నిర్మిస్తున్నారు.
చిత్రీకరణ పూర్తి చేసుకుని విడుదలకు రెడీ అవుతున్న ఈ చిత్రం గురించి నిర్మాతలు మాట్లాడుతూ, 'మంచి కంటెంట్‌తో యాక్షన్‌, రివేంజ్‌ డ్రామాగా తెరకెక్కిన ఈ చిత్రం అన్ని వర్గాల ప్రేక్షకులను అలరిస్తుంది. ఆద్యంతం ఆకట్టుకునే అంశాలతో పాటు ఇందులోని ఏడు పాటలు, ఐదు ఫైట్స్‌ సినిమాకి హైలెట్‌గా నిలుస్తాయి. ఈ సినిమా చూసిన ప్రేక్షకులందరూ ఎమోషనల్‌గా కనెక్ట్‌ అవ్వడమే కాకుండా ఎంతో థ్రిల్‌ ఫీల్‌ అవుతారు. ఈ సినిమాకి నటీనటులు, టెక్నీషియన్స్‌ అందరూ చాలా చక్కగా కుదిరారు. అందరి సపోర్ట్‌తో సినిమా అవుట్‌ఫుట్‌ చాలా బాగా వచ్చింది. దర్శకుడు మనోహర్‌ కాటేపోగు ఈ చిత్రాన్ని అద్భుతంగా తెరకెక్కించాడు. ఆయన ఫ్యూచర్‌లో పెద్ద దర్శకుడు అవుతాడు' అని చెప్పారు. నాధవరం ఆంజనేయులు, జింకల కోటేశ్వర్‌ రావు, బింగి ధరగయ్య, తుమ్మేటి శ్రీ హరి, జింకల రవి కుమార్‌, రమణి, ప్రసాద్‌, కష్ణా రెడ్డి, రవికుమార్‌ నటిస్తున్న ఈ చిత్రానికి సినిమాటోగ్రఫీ: ఉదరు కుమార్‌ జి, సాహిత్యం : మనోహర్‌ కాటేపోగు, సంగీతం : రాజేష్‌ రాజ్‌ టి, ఎడిటర్స్‌ : ప్రేమ్‌ స్నాప్స్‌, మణి, రైటర్‌ : బ్యూలా రాణి కె.
