యజుర్వేద్‌, రచన, సునీల్‌ కీలక పాత్రల్లో ఎ.కాశీ తెరకెక్కిస్తున్న సినిమా 'చిత్తం మహారాణి'.
లిటిల్‌ థాట్స్‌ సినిమాస్‌ సమర్పణలో జెఎస్‌ మణికంఠ, ప్రసాద్‌ రెడ్డి టిఆర్‌ ఈ చిత్రాన్ని నిర్మిస్తున్నారు. ఇటీవల యువ కథానాయకుడు విశ్వక్‌సేన్‌ ఈ చిత్ర టీజర్‌ను రిలీజ్‌ చేశారు.
'టీజర్‌కి సర్వత్రా అనూహ్య స్పందన లభించింది. రొమాంటిక్‌ కామెడీగా ఈ సినిమా తెరకెక్కు తోంది. ఇప్పటికే అగ్ర దర్శకుడు సుకుమార్‌ రిలీజ్‌ చేసిన ఈ చిత్ర ఫస్ట్‌లుక్‌కు మంచి రెస్పాన్స్‌ వచ్చింది. ఆ తర్వాత అగ్ర నాయిక రష్మిక మందన విడుదల చేసిన లిరికల్‌ సాంగ్‌కి కూడా అద్భుతమైన స్పందన వచ్చింది. సినిమా అద్భుతంగా వచ్చింది. కథాకథనాలు చాలా బాగా కుదిరాయి. యువతతో పాటు కుటుంబ ప్రేక్షకులను కూడా అలరించే అంశాలు మా సినిమాలో చాలా ఉన్నాయి. కచ్చితంగా పెద్ద విజయం సాధిస్తుంది అని నమ్ముతున్నాం' అని నిర్మాతల్లో ఒకరైన జెఎస్‌ మణికంఠ తెలిపారు.
తులసి, హర్షవర్ధన్‌, మధునందన్‌, సత్య, రాజ్‌ కుమార్‌ కాశిరెడ్డి, వైవా హర్ష, జబర్దస్త్‌ అశోక్‌, నాయని పావని తదితరులు నటిస్తున్న ఈ చిత్రానికి మాటలు : సురేష్‌ సిద్హాని, ఎడిటర్‌: కార్తీక శ్రీనివాస్‌, సంగీతం: గౌర హరి, డిఓపీ : విశ్వనాథ్‌ రెడ్డి, యాక్షన్‌ కొరియోగ్రాఫర్‌:డ్రాగన్‌ ప్రకాష్‌, కొరియోగ్రాఫర్‌ :విజరు బిన్నీ, దర్శకత్వం : ఎ.కాశీ.
