ఆర్‌.కె.గాంధీ దర్శకత్వంలో తెలుగు, తమిళ, కన్నడ భాషల్లో ఏకకాలంలో రూపొందుతున్న వినూత్న ప్రేమకథా చిత్రం 'లవ్వాట'.
నిడిగంటి సాయి రాజేష్‌ మూవీస్‌ పతాకంపై ప్రొడక్షన్‌ నెం.1గా రూపొందుతున్న ఈ చిత్రాన్ని ఎన్‌. వెంకటేశ్వర్లు, బొట్టా శంకర్రావు, వెంకటగిరి శ్రీనివాస్‌ నిర్మిస్తున్నారు. 'రావణలంక' ఫేమ్‌ క్రిష్‌ బండిపల్లి హీరోగా, మీరా కన్నన్‌, దీక్ష హీరోయిన్లుగా నటిస్తున్న ఈ త్రిభాషా చిత్రంలో సీనియర్‌ నటుడు బెనర్జీ ఓ ముఖ్య పాత్ర పోషిస్తున్నారు.
జూన్‌ 22 నుంచి శ్రీకాకుళం, మిర్యాలగూడ, హైదరాబాద్‌లో చిత్రీకరణ జరుపుకోనున్న ఈ చిత్ర టైటిల్‌ ఆవిష్కరణ తెలుగు ఫిల్మ్‌ ప్రొడ్యూసర్‌ కౌన్సిల్‌ హాల్‌లో ఘనంగా జరిగింది. కాన్సెప్ట్‌కు తగిన టైటిల్‌ సూచించమంటూ సోషల్‌ మీడియాలో నిర్వహించిన కాంటెస్ట్‌లో విజేతగా నిలిచిన మానే రామారావు టైటిల్‌ లోగోని లాంచ్‌ చేశారు.
ఈ సందర్భంగా హీరో క్రిష్‌ బండిపల్లి మాట్లాడుతూ,' దర్శకుడు గాంధీ చెప్పిన కథ వింటే నేనే కాదు, ఎంత పెద్ద హీరో అయినా ఠక్కున ఓకే చెబుతారు. సబ్జెక్ట్‌ విని స్పెల్‌ బౌండ్‌ అయిపోయాను' అని అన్నారు. దర్శకుడు ఆర్‌.కె.గాంధీ మాట్లాడుతూ, 'నా ఫస్ట్‌ ఫిల్మ్‌ 'ప్రేమభిక్ష' విడుదల కాకుండానే, నా మూడో చిత్రం 'లవ్వాట' ప్రీ ప్రొడక్షన్‌ పూర్తి చేసుకుని, టైటిల్‌ లాంచ్‌ జరుపుకోవడం చాలా గర్వంగా ఉంది. నా మొదటి, రెండవ చిత్రాలు 'ప్రేమభిక్ష, రుద్రాక్షపురం' పోస్ట్‌ ప్రొడక్షన్‌ జరుపుకుంటూ, విడుదలకు సిద్ధమవుతున్నాయి. ప్రేమ పట్ల నేటితరం దక్పథం ఎలా ఉందనేది వినోదాత్మకంగా వివరిస్తూ సాగే చిత్రమిది. తెలుగుతోపాటు తమిళ, కన్నడ భాషల్లో రూపొందిస్తున్నాం. ఈ అవకాశమిచ్చిన నిర్మాతలకు, ప్రోత్సహిస్తున్న మిత్రులు, శ్రేయోభిలాషులకు కతజ్ఞతలు' అని చెప్పారు.
ఈ చిత్రంలో హీరోయిన్స్‌గా నటించే అవకాశం రావడం పట్ల హీరోయిన్లు మీరా, దీక్ష సంతోషం వ్యక్తం చేశారు. థ్రిల్లర్‌ మంజు, ఢిల్లీ మురళి, అప్పాజీ ఇతర ముఖ్యపాత్రలు పోషిస్తున్న ఈ చిత్రానికి ఫైట్స్‌: థ్రిల్లర్‌ మంజు-బాజి, ఛాయాగ్రహణం: ఎమ్‌.నాగేంద్ర, సంగీతం: జి.కె, ఎడిటింగ్‌: మల్లి.
