'ప్రేక్షకులు హాయిగా నవ్వుకోవడానికి ఒక లైబ్రరీ లాంటి సిరీస్‌ ఉండాలని 'ఎఫ్‌ 2' ఫ్రాంచైజ్‌ని చేశాం. 'ఎఫ్‌ 2' బిగ్‌ బ్లాక్‌బస్టర్‌ అయ్యింది. అందులో భార్యాభర్తల ప్రస్టేషన్‌ ఉంటే,
'ఎఫ్‌ 3'లో మనీ ఫస్ట్రేషన్‌ ఉంటుంది. అందరికీ కనెక్ట్‌
అయ్యే కథ. 'ఎఫ్‌2'కి మించిన వినోదాన్ని చూస్తారు.
ఇది ఫ్యామిలీ అంతా కలిసి చూడాల్సిన సినిమా.
ఈ సినిమాకి ఖచ్చితంగా రిపీట్‌ ఆడియెన్స్‌ వస్తారు'
అని దర్శకుడు అనిల్‌ రావిపూడి అన్నారు.
వెంకటేష్‌, వరుణ్‌ తేజ్‌, అనిల్‌ రావిపూడి కాంబినేషన్‌లో ప్రేక్షకుల ముందుకు రాబోతున్న భారీ మల్టీస్టారర్‌ 'ఎఫ్‌ 3'. శ్రీ వెంకటేశ్వర క్రియేషన్స్‌ బ్యానర్‌ పై దిల్‌ రాజు సమర్పణలో నిర్మాత శిరీష్‌ నిర్మించారు. ఈ సినిమా ఈనెల 27న ప్రపంచవ్యాప్తంగా భారీ విడుదల కానుంది. ఈ నేపథ్యంలో
ఈ చిత్ర విశేషాలను బుధవారం దర్శకుడు అనిల్‌ రావిపూడి
మీడియాతో షేర్‌ చేసుకున్నారు.
డబ్బు చుట్టూ తిరిగే కథ
'ఎఫ్‌ 2'లో భార్యాభర్తల ప్రస్టేషన్‌ని వినోదాత్మకంగా చూపించాం. ఇందులో డబ్బు చుట్టూ ఉండే ఆశ, అత్యాశ, కుట్రలు, మోసాలు హిలేరియస్‌గా వర్క్‌ అవుట్‌ చేశాం. 'ఎఫ్‌ 2' సక్సెస్‌తో ఆర్టిస్టులందరూ మంచి ఎనర్జీతో పని చేశారు. సునీల్‌, మురళీ శర్మ, అలీ ఇలా కొంత మంది ఆర్టిస్ట్‌లు కొత్తగా యాడ్‌ అయ్యారు. తమన్నా, మెహరీన్‌తోపాటు మూడో నాయికగా సోనాల్‌ చౌహాన్‌ ఉంటే ఓ స్పెషల్‌ సాంగ్‌లో పూజా హెగ్డే మెరుస్తుంది. మొత్తమీద్మ మోర్‌ గ్లామర్‌, మోర్‌ ఫన్‌గా ఈ సినిమా ఉంటుంది.
ఫన్ డోస్‌ పెంచడానికే..
'ఎఫ్‌ 2' బ్లాక్‌ బస్టర్‌ కావడంతో ఈ సినిమాపై అంచనాలు ఖచ్చితంగా ఎక్కువగా ఉంటాయి. ఫన్ డోస్‌ పెంచడానికి
ఈ సినిమాలో వెంకటేష్‌గారికి రేచీకటి, వరుణ్‌తేజ్‌కి నత్తి వంటి ఎలిమెంట్స్‌ని యాడ్‌ చేశాం. ట్రైలర్‌లో హీరోయిన్ల అత్యాశని చూపించాం. అయితే హీరోయిన్స్‌ అనే కాదు ఇందులో ప్రతి పాత్ర అత్యాశగానే ఉంటుంది. డబ్బు ఎలా త్వరగా సంపాయించాలనే ఆశతోనే ఉంటారు. వారి ప్రయత్నాల్లో ఎంత ఫన్ ఉంటుందో అంత మంచి కంటెంటూ ఉంటుంది. ఇందులో డబ్బు గురించి చెప్పే ఫైనల్‌ కంటెంట్‌ కూడా అందరికీ నచ్చుతుంది. అయితే ఇదేదో మెసేజ్‌లా ఉండదు, నిజంలా ఉంటుంది. డబ్బుతో మనం ఎలా ఉండాలనేది చెప్తాం. దేవిశ్రీ ప్రసాద్‌తో ఇది నా మూడో సినిమా. మంచి ఆల్బమ్‌ ఇచ్చారు. బ్యాక్‌ గ్రౌండ్‌ మ్యూజిక్ కూడా వండర్‌ ఫుల్‌గా వచ్చింది. దిల్‌రాజుగారితో సినిమా చేయటం అంటే నాకెంతో ఇష్టం. ఆయనొక పవర్‌ హౌస్‌.
బాలయ్యతో సరికొత్త సినిమా
బాలయ్య సినిమా కోసం సెప్టెంబర్‌లో సెట్స్‌ పైకి వెళ్తాం. షైన్‌ స్క్రీన్స్‌ బ్యానర్‌ నిర్మిస్తోంది. బాలయ్య ఎంత పవర్‌ ఫుల్‌గా ఉంటారో ఆ పవర్‌కి తగ్గట్టే సినిమా ఉంటుంది. మేము ఇద్దరం కొత్త మార్క్‌ సినిమాతో రాబోతున్నాం.
