పాత రోమ్‌ నగరం గుర్తుందా మిత్రుడా! ఇద్దరు గ్లాడియేటర్స్‌ తలపడతారు, ఓడినవాడు ఛస్తాడు.. గెలిచినవాడు మాత్రమే బతుకుతాడు...బతికుంటే అలాంటి ఒక గెలుపుతో
బతికుండాలి. చచ్చినా కూడా అలాంటి వాడి చేతిలో చచ్చాం అనే గర్వంతో చావాలి... ఇటు వంటి పవర్‌ఫుల్‌ డైలాగ్‌లు ఉన్న చిత్రం 'జ్వాల'. ఈ చిత్ర టీజర్‌ను శుక్రవారం యువ హీరో
రానా దగ్గుబాటి ట్వీట్టర్‌
ద్వారా విడుదల చేశారు.
ఇటీవల విడుదలైన, విడుదల కాబోతున్న 'ఆర్‌ఆర్‌ఆర్‌', 'కె.జి. ఎఫ్‌ 2', 'విక్రమ్‌' వంటి పాన్‌ ఇండియా చిత్రాల సరసన ఈ సినిమా కూడా చేరనుంది.
ఈ చిత్ర టీజర్‌ కూడా ఆ సినిమాల స్థాయిలోనే ఉంది. బేస్‌ వాయిస్‌తో తెరమీద కనిపించే సన్నివేశాలను గురించి విశ్లేషిస్తూ బ్యాక్‌గ్రౌండ్‌లో ఓ మనిషి కథలా చెప్తూ ఉంటారు. 'సాహో' ఫేమ్‌ అరుణ్‌ విజరు, 'బిచ్చగాడు' ఫేమ్‌ విజరు ఆంటోని టీజర్‌లో పోటాపోటీగా నటించారు.ముఖ్యంగా విజరు ఆంటోని నట విశ్వరూపాన్ని చూడబోతున్నారు. అక్షరహాసన్‌ కీలక పాత్రలో నటించారు. ఈ పాన్‌ఇండియా చిత్రాన్ని శర్వాంత్‌ రామ్‌ క్రియేషన్స్‌ పతాకంపై జవ్వాజి రామాంజనేయులు, షిరిడిసాయి మూవీస్‌ పతాకంపై యం.రాజశేఖర్‌ రెడ్డి నిర్మించారు. రష్యా, కజకిస్తాన్‌, ఉజ్బెకిస్తాన్‌, స్విట్జర్లాండ్‌, కలకత్తాలతో పాటు అనేక దేశాల్లో షూటింగ్‌ జరుపుకుంది. నవీన్‌ దర్శకత్వం వహించిన ఈ చిత్రంలో ప్రకాశ్‌రాజ్‌, రైమాసేన్‌, నాజర్‌ తదితరులు ముఖ్యపాత్రల్లో నటించారు. ఈ చిత్రానికి కెమెరా : కె.ఎ.బచ్చ, ఎడిటర్‌: వెట్రికష్ణన్‌, సంగీతం: నటరాజన్‌ శంకరన్‌.
