దర్శకేంద్రుడు కె.రాఘవేంద్రరావు సమర్పణలో యునైటెడ్‌ కె ప్రొడక్షన్స్‌ బ్యానర్‌పై సునీల్‌, అనసూయ భరద్వాజ్‌, బ్రహ్మానందం, వెన్నెల కిషోర్‌, సప్తగిరి, శ్రీనివాస్‌ రెడ్డి, సుడిగాలి సుధీర్‌ ప్రధాన పాత్ర ధారులుగా తెరకెక్కుతున్న చిత్రం 'వాంటెడ్‌ పండుగాడ్‌'. 'పట్టుకుంటే కోటి' అనేది ట్యాగ్‌ లైన్‌. శ్రీధర్‌ సీపాన దర్శకత్వంలో సాయి బాబ కోవెల మూడి, వెంకట్‌ కోవెల మూడి నిర్మిస్తున్న చిత్రమిది. ఈ సినిమా చిత్రీకరణ శరవేగంగా జరుగుతోంది. ఈ సందర్భంగా శనివారం జరిగిన ప్రెస్‌మీట్‌లో దర్శకేంద్రుడు కె.రాఘవేంద్రరావు మాట్లాడుతూ, 'ఎంటర్‌టైన్‌మెంట్‌ అంటేే నాకు చాలా ఇష్టం. జనార్ధన మహర్షి కథ నాకు వినిపించారు. హిలేరియస్‌గా అనిపించింది. నిజానికి తనికెళ్ల భరణిగారు ఈ సినిమాను డైరెక్ట్‌ చేద్దామని అనుకున్నారు. 'పెళ్లి సందడి' సినిమాకు శ్రీధర్‌ సీపాన అద్భుతమైన డైలాగ్స్‌ అందించాడు. దాంతో తనే ఈ సినిమాను డైరెక్ట్‌ చేస్తే బావుంటుందనిపించింది. పి.ఆర్‌ సంగీతం, మహి సినిమాటోగ్రఫీ సినిమాకు పెద్ద ఎసెట్‌గా నిలుస్తుంది. ఇదొక అవుట్‌ అండ్‌ అవుట్‌ ఎంటర్‌టైనర్‌. ఆర్టిస్టులు, టెక్నీషియన్స్‌ చక్కగా సపోర్ట్‌ చేశారు. జూన్‌ చివరి వారం లేదా జూలై తొలి వారంలో ఈ సినిమా రిలీజ్‌ను ప్లాన్‌ చేస్తున్నాం' అని అన్నారు.
'ఈ సినిమాలో పండు పాత్రలో నటించాను. ప్రేక్షకులను నవ్వించే సినిమా. ఫ్యామిలీ బాగా ఎంజారు చేస్తారు' అని సునీల్‌ చెప్పారు. డైరెక్టర్‌ శ్రీధర్‌ సీపాన మాట్లాడుతూ, 'ఈ సినిమాకు నేను డైరెక్షన్‌ నేర్చుకున్నాను. ఓ అసిస్టెంట్‌ డైరెక్టర్‌లా వర్క్‌ చేశాను. నా కంటే రాఘవేంద్రరావుగారే ఎక్కువ టెన్షన్‌ పడ్డారు. ఈ సినిమా క్రెడిట్‌ ఆయనకే దక్కుతుంది. నిర్మాతలు సాయి బాబ కోవెలమూడి, వెంకట్‌ కోవెల మూడిగారికి థ్యాంక్స్‌' అని తెలిపారు.
ఇంకా ఈ కార్యక్రమంలో సప్తగిరి, శ్రీనివాస రెడ్డి, థర్టీ ఇయర్స్‌ పథ్వీ, ఆమని, దీపికా పిల్లి, సుడిగాలి సుధీర్‌ సహా చిత్రయూనిట్‌ సభ్యులందరూ పాల్గొన్నారు. ఈ చిత్రానికి సమర్పణ : కె.రాఘవేంద్రరావు, కథ, మాటలు, స్క్రీన్‌ ప్లే : జనార్ధన మహర్షి, సినిమాటోగ్రఫీ : మహి రెడ్డి పండుగుల, మ్యూజిక్ : పి.ఆర్‌, ఎడిటర్‌ : తమ్మిరాజు.
