సాయిరామ్‌ శంకర్‌, అశీమా నర్వాల్‌ జంటగా నటిస్తున్న చిత్రం 'ఒక పథకం ప్రకారం'. వినోద్‌ విజయన్‌ ఫిలిమ్స్‌, విహారి సినిమా హౌజ్‌ సంయుక్తంగా నిర్మిస్తున్న సినిమా ఇది. ఈ చిత్రాన్ని జాతీయ అవార్డు విజేత దర్శకుడు వినోద్‌ విజయన్‌ తెరకెక్కిస్తున్నారు. ఈయనతో పాటు మరో ఐదుగురు నేషనల్‌ అవార్డ్‌ విన్నర్స్‌ ఈ సినిమా కోసం పని చేయటం విశేషం.
విభిన్నమైన కథాంశంతో రూపొందుతున్న ఈ చిత్రంలో రామ, రావణ తరహా పాత్రలో సాయిరామ్‌ శంకర్‌ నటిస్తున్నారు. తాజాగా ఈ చిత్ర టీజర్‌ అగ్ర కథానాయకుడు రవితేజ చేతుల మీదుగా విడుదలైంది. దీనికి అద్భుతమైన స్పందన లభించింది.
'సినిమా కాన్సెప్ట్‌ని టీజర్‌లోనే చూపించారు మేకర్స్‌. ఇందులో కొత్తగా కనిపిస్తున్నారు సాయిరామ్‌ శంకర్‌. పూర్తిగా కాన్సెప్ట్‌ ఓరియెంటెడ్‌గానే ఈ సినిమా ఉంటుంది. ఈ సినిమా కోసం ఆరుగురు నేషనల్‌ అవార్డ్‌ విన్నర్స్‌ వర్క్‌ చేస్తున్నారు. దర్శకుడు వినోద్‌ విజయన్‌, ఎడిటిర్‌, మేకప్‌ ఆర్టిస్ట్‌, ప్రొడక్షన్‌ డిజైనర్‌ సహా మరో ఇద్దరు జాతీయ అవార్డు గ్రహీతలు ఈ టీమ్‌లో ఉన్నారు. ఈ సినిమాని ఈనెల 24న విడుదల చేస్తున్నట్టు మేకర్స్‌ ప్రకటించారు' అని చిత్ర యూనిట్‌ తెలిపింది. శతి సోధి, సముద్రఖని, కళాభవన్‌ మణి, రవి పచ్చముత్తు, భాను శ్రీ, పల్లవి గౌడ తదితరులు నటిస్తున్న ఈ చిత్రానికి నిర్మాతలు: వినోద్‌ విజయన్‌, రవి పచ్చముత్తు, గార్లపాటి రమేష్‌, ఎడిటింగ్‌: కార్తిక్‌ జోగేష్‌, సినిమాటోగ్రఫీ: రాజీవ్‌ రవి, వినోదిల్లంపల్లి, సురేష్‌ రాజన్‌, సంగీతం: రాహుల్‌ రాజ్‌, రీ రికార్డింగ్‌: గోపీ సుందర్‌.
