రాహుల్‌ విజయ్, మేఘా ఆకాష్‌ జంటగా ఓ సినిమా రూపొందుతున్న విషయం తెలిసిందే. ఈ చిత్రానికి 'మాటే మంత్రము' అనే టైటిల్‌ను చిత్ర బృందం ఖరారు చేసింది. హీరో రాహుల్‌ విజయ్ బర్త్‌ డే సందర్భంగా ఈ టైటిల్‌ను మేకర్స్‌ ఎనౌన్స్‌ చేశారు.
ఈ చిత్రాన్ని మేఘ ఆకాష్‌ తల్లి బిందు ఆకాష్‌ సమర్పిస్తున్నారు. కోట ఫిలిం ఫ్యాక్టరీ, ట్రిప్పి ఫ్లిక్స్‌ స్టూడియోస్‌ బ్యానర్స్‌పై ఎ.సుశాంత్‌ రెడ్డి, అభిషేక్‌ కోట ఈ చిత్రాన్ని నిర్మిస్తున్నారు.
ఈ చిత్రానికి సుశాంత్‌ రెడ్డి కథ అందించగా, అభిమన్యు బద్ది దర్శకుడిగా పరిచయం అవుతున్నారు. ఈ సందర్భంగా నిర్మాతలు మాట్లాడుతూ, 'మా హీరో పుట్టినరోజు సందర్భంగా ఎనౌన్స్‌ చేసిన 'మాటే మంత్రం' టైటిల్‌కి అన్ని చోట్ల నుంచి మంచి అప్రిషియేషన్‌ వస్తోంది. తొలి షెడ్యూల్‌ హైదరాబాద్‌లో, రెండో షెడ్యూల్‌ గోవాలో చేవాం. దీంతో 90 శాతం చిత్రీకరణ కంప్లీట్‌ అయ్యింది. గోవా బ్యాక్‌ డ్రాప్‌లో జరిగే ఈ రొమాంటిక్‌ ఎంటర్‌ టైనర్‌ ఆద్యంతం ఇంట్రెస్టింగ్‌గా ఉంటుంది' అని అన్నారు.
