లోటస్‌ క్రియేటివ్‌ వర్క్స్‌ పతాకంపై మధుదీప్‌ సి.హెచ్‌ను దర్శకుడిగా పరిచయం చేస్తూ అరవింద్‌.ఎమ్‌ నిర్మిస్తున్న విభిన్న కథా చిత్రం 'మిస్టర్‌ వర్క్‌ ఫ్రమ్‌ హోమ్‌'. త్రిగున్‌, పాయల్‌ రాధాకష్ణ హీరో, హీరోయిన్లు. బుధవారం హీరో త్రిగున్‌ పుట్టినరోజును పురస్కరించుకుని ఈ చిత్ర మోషన్‌ పోస్టర్‌ను మేకర్స్‌ విడుదల చేశారు. ఈ మోషన్‌ పోస్టర్‌కు తనికెళ్ళ భరణి వాయిస్‌ ఓవర్‌ అందించడం విశేషం. ఈ చిత్రం నుంచి 'వెన్నెలే వెన్నెలే నాలో వెల్లువై పొంగెలే..' అంటే సాగే పల్లవిగల పాటను లాంచ్‌ చేశారు. 'ఒకే ఒక లోకం నువ్వే...' పాటతో సంచలనం సష్టించిన అరుణ్‌ చిలువేరు సంగీత సారథ్యంలో రూపొందిన ఈ పాటకు చైతన్య ప్రసాద్‌ సాహిత్యం సమకూర్చగా, ఎన్‌.సి.కారుణ్య ఆలపించారు. సరిగమ మ్యూజిక్ ఈ చిత్రం ఆడియో హక్కులు సొంతం చేసుకుంది. షూటింగ్‌ పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ జరుపుకుంటోంది.
'రుచులలో రారాజు ఆవకాయలాంటి మాధుర్యాన్ని పంచగలిగే ఛందస్సును గుర్తుచేస్తూ, పద సంయోగపు మధురిమలను పంచే ప్రయత్నమే ఈ పాట' అని నిర్మాత అరవింద్‌ అన్నారు. ఈ పాటకు లభించిన మిలియన్‌ వ్యూస్‌ మా హీరోకు బర్త్‌ డే కానుకగా అందిస్తున్నామని దర్శకుడు మధుదీప్‌ తెలిపారు.
అనీష్‌ కురువిల్లా, సత్యకష్ణన్‌, సి.వి.ఎల్‌.నరసింహారావు, జయశ్రీ రాచకొండ, వివా హర్ష, గుండు సుదర్శన్‌, నెల్లూరు సుదర్శన్‌, గిరిధర్‌, జబర్దస్త్‌ వేణు ముఖ్య పాత్రలు పోషించిన ఈ చిత్రానికి ఆర్ట్‌: శివ, స్క్రిప్ట్‌ కో-ఆర్డినేటర్‌: పవన్‌ కొడాలి, ఎడిటర్‌: కోటగిరి వెంకటేశ్వరావు, డి.ఓ.పి: రవి.వి, మ్యూజిక్: అరుణ్‌ చిలువేరు.
