విష్ణు మంచు హీరోగా నటిస్తున్న తాజా సినిమా చిత్రీకరణ శరవేగంగా జరుగుతోంది. ఇది విష్ణుకి 19వ సినిమా. ఈ సినిమాలో గాలి నాగేశ్వరరావు అనే మాస్‌ క్యారెక్టర్‌ చేస్తున్నారు. శనివారం ఈ సినిమా టైటిల్‌ని అధికారికంగా ప్రకటించారు. ఈ సినిమా ప్రమోషన్‌ విషయంలో ప్రత్యేక శ్రద్ధ తీసుకుంటున్న విష్ణు సినిమా టైటిల్‌ని కూడా వెరైటీగా రివీల్‌ చేశారు. సునీల్‌, కోన వెంకట్‌, ఛోటా.కె.నాయుడు, అనూప్‌ రూబెన్స్‌, ఇషాన్‌ సూర్యతో కలిసి సరదాగా చిట్‌ చాట్‌ చేస్తూ, ఫైనల్‌గా 'జిన్నా' అనే టైటిల్‌ని ఎనౌన్స్‌ చేసిన వీడియోని రిలీజ్‌ చేశారు. దీంతో ఈ సినిమాపై అందరిలోనూ అమితాసక్తి పెరిగింది. డా. మంచు మోహన్‌ బాబు ఆశీస్సులతో అవరామ్‌ భక్త మంచు సమర్పణలో 24 ప్రేమ్స్‌ ఫ్యాక్టరీ, అవ ఎంటర్‌టైన్‌మెంట్స్‌ బ్యానర్స్‌ పై విష్ణు మంచు హీరోగా ఈషాన్‌ సూర్య దర్శకత్వంలో తెరకెక్కుతోంది. ఈ సినిమాకి కథ, స్క్రీన్‌ప్లే తో పాటు క్రియేటివ్‌ ప్రొడ్యూసర్‌గా కోన వెంకట్‌ వ్యవహరిస్తున్నారు.
ఈ చిత్రానికి సినిమాటోగ్రాఫర్‌ : చోటా.కె.నాయుడు, డైలాగ్స్‌ : భాను, నందు, సంగీతం : అనూప్‌ రూబెన్స్‌, మూల కథ : జి.నాగేశ్వరరెడ్డి.
