అగ్ర నిర్మాత ఎం.ఎస్‌. రాజు దర్శకత్వం వహించిన తాజా సినిమా '7 డేస్‌ 6 నైట్స్‌'. సుమంత్‌ ఆర్ట్‌ ప్రొడక్షన్స్‌ సమర్పణలో సుమంత్‌ అశ్విన్‌.ఎం, రజనీకాంత్‌.ఎస్‌ నిర్మించారు. వైల్డ్‌ హనీ ప్రొడక్షన్స్‌, వింటేజ్‌ పిక్చర్స్‌, ఏబిజి క్రియేషన్స్‌ చిత్ర నిర్మాణంలో భాగస్వాములు.
ఇందులో సుమంత్‌ అశ్విన్‌, రోహన్‌ హీరోలు. ఈ సినిమా ఈనెల 24న విడుదల అవుతోంది. ఈ సందర్భంగా హీరోయిన్‌ మెహర్‌ చాహల్‌ గురువారం మీడియాతో ముచ్చటించారు.
మాది అస్సాం. మా నాన్నగారు టీ ప్లాంటేషన్స్‌లో వర్క్‌ చేసేవారు. దీంతో దేశంలో చాలా ప్రాంతాలు తిరిగా. చివరకు, ముంబైలో సెటిల్‌ అయ్యా. వర్క్‌ నిమిత్తం నాలుగైదేళ్లుగా ముంబైలో ఉంటున్నాను. నాకు కొత్త ప్రాంతాలు చూడటం, కొత్త సంప్రదాయాల గురించి తెలుసుకోవడం ఇష్టం.
గతంలో కొన్ని సినిమాలకు ఆడిషన్స్‌ ఇచ్చాను. ముంబైలో మా మేనేజర్‌ దగ్గర ఎంఎస్‌ రాజు గారు నా ఫొటో చూశారట. తర్వాత ఈ సినిమాలో క్యారెక్టర్‌ కోసం ఆడిషన్స్‌ ఇస్తారా? అని అడిగారు. హైదరాబాద్ వచ్చి ఆడిషన్‌ ఇచ్చాను. నేను సూట్‌ అవుతానని అనుకున్నారు. సెలెక్ట్‌ చేశారు.
ఇదొక ఫన్ ఫిల్మ్. టోటల్‌ స్టోరీ నచ్చింది. టీనేజ్‌, యంగ్‌స్టర్‌ వైబ్స్‌ ఉన్న కథ. ఇందులో నా క్యారెక్టర్‌ పేరు రతికా. గోవాలోని ఒక రెస్టారెంట్‌లో వర్క్‌ చేస్తుంటాను. నార్మల్‌ టీనేజ్‌ అమ్మాయి. అంతకు మించి పాత్ర గురించి ఎక్కువ చెప్పలేను. సుమంత్‌ అశ్విన్‌ జోడీగా కనిపిస్తా.
రొమాంటిక్‌ కామెడీ ఎంటర్‌టైనర్‌ సినిమా ఇది. ఒక్కమాటలో చెప్పాలంటే హిందీలో 'హౌస్‌ఫుల్‌' సిరీస్‌లో జోక్స్‌ ఎలా ఉంటాయో, అటువంటి జోక్స్‌ ఉంటాయి. ఆడియన్స్‌ బాగా నవ్వుకునే సినిమా. ఈ సినిమాని ఒక్కసారి కాదు... మూడు నాలుగుసార్లు చూశాను. చూస్తున్నంత సేపూ నవ్వుతూనే ఉన్నాను. కెరీర్‌ బిగినింగ్‌లో బోల్డ్‌ రోల్‌ చేయడం ఎలా అనిపించిందని అందరూ అడుగుతున్నారు. అంత బోల్డ్‌ ఏమీ కాదు. గోవా వెళ్ళినప్పుడు స్విమ్‌ సూట్‌ వేసుకుంటాం! శారీ లేదా ఫుల్‌గా డ్రస్‌ వేసుకుని స్విమ్‌ చేయలేను కదా?, సినిమా చూస్తే తెలుస్తుంది. ఇందులో వల్గర్‌గా ఏమీ లేదు. యూత్‌ మాత్రమే కాదు, ఫ్యామిలీ మెంబర్స్‌ కూడా చూడదగ్గ సినిమా.
ఎం.ఎస్‌ రాజు గారు మా అందరితో బాగా కలిసిపోయారు. కొత్తగా నేర్చుకోవాలనే తపన ఆయనలో ఉంటుంది. అందువల్లే, ఆయన ఇంకా హిట్‌ సినిమాలు తీస్తున్నారు. ఇండిస్టీలో ఉన్నారు. ఈ సినిమా విడుదలకు ముందు ఎంఎస్‌ రాజు గారితో 'సతి' సినిమా చేశా. అందులోనూ సుమంత్‌ అశ్విన్‌ హీరో. అదొక థ్రిల్లర్‌ సినిమా. ఈ సినిమాలో పాత్రకు చాలా డిఫరెంట్‌గా ఉంటుంది. ప్రస్తుతం ఒక వెబ్‌ సిరీస్‌ కూడా చేస్తున్నా.
