సత్యదేవ్‌, తమన్నా జంటగా నాగ శేఖర్‌ తెరకెక్కిస్తున్న సినిమా 'గుర్తుందా శీతాకాలం'. ప్రతీ ఒక్కరు తమ జీవితంలో సెటిల్‌ అయిన తర్వాత కొన్ని విషయాల్ని ఎప్పటికీ మరిచిపోరు. ముఖ్యంగా టీనేజ్‌, కాలేజ్‌ ఆ తర్వాత వచ్చే యూత్‌ లైఫ్‌లో జరిగే సంఘటనలు జీవితాంతం గుర్తుకు వస్తూనే ఉంటాయి. ఇలాంటి ఆహ్లాదకరమైన సంఘటనలు ప్రేక్షకులకి గుర్తు చేసే ఉద్దేశంతో నాగశేఖర్‌ మూవీస్‌ బ్యానర్‌, మణికంఠ ఎంటర్‌టైన్మెంట్స్‌, వేదాక్షర ఫిల్మ్స్‌ బ్యానర్స్‌పై భావన రవి, నాగశేఖర్‌, రామారావు చింతపల్లి, ఎమ్‌ ఎస్‌ రెడ్డి, చినబాబు సంయుక్తంగా నిర్మిస్తున్న సినిమా ఇది.
ఈ సినిమా నిర్మాతల్లో ఒకరైన రామారావు చింతపల్లి వరస సినిమాలతో ఇండిస్టీలో తన మార్క్‌ చూపించుకుంటున్నారు. క్రేజీ ప్రాజెక్టులను ఆయన నిర్మిస్తూ హ్యాపెనింగ్‌ ప్రొడ్యూసర్‌గా మారుతున్నారు. ఈ చిత్ర నిర్మాణంలో ఆయన భాగస్వామ్యం చాలా ఉంది. ఇప్పటికే ఈ సినిమా టైటిల్‌ మంచి రెస్పాన్స్‌ తెచ్చుకుంది. టాలెంటెడ్‌ హీరో సత్యదేవ్‌, తమన్నా, మేఘా ఆకాష్‌, కావ్యశెట్టి తదితరులు ఈ సినిమాలో నటిస్తున్నారు. దీంతో ఈ సినిమాపై ఆసక్తి బాగా పెరిగిపోయింది. ఇండిస్టీ వర్గాల్లోనూ ఈ సినిమాపై ప్రత్యేక ఆసక్తి నెలకొంది. కన్నడలో విడుదలై సూపర్‌ హిట్‌ అయిన 'లవ్‌ మాక్‌టైల్‌' ఆధారంగా ఈ చిత్రాన్ని తెరకెక్కిస్తున్నారు. ఇప్పటికే విడుదలైన టైటిల్‌ సాంగ్‌కు అద్భుతమైన రెస్పాన్స్‌ వచ్చింది. సత్యదేవ్‌, తమన్నా కెమిస్ట్రీ ఈ పాటకు హైలైట్‌. ఈ పాట అభిమానులకే కాదు అందరికీ బాగా నచ్చింది. ఈ సినిమాను జూలై 15న విడుదల చేయబోతున్నట్లు అధికారికంగా దర్శక, నిర్మాతలు ప్రకటించారు. సినిమాకి సంబంధించిన మరిన్ని వివరాలు త్వరలోనే చిత్రయూనిట్‌ తెలియజేయనుంది.
ఈ చిత్రానికి స్కీన్‌ ప్లే, డైరెక్షన్‌ - నాగశేఖర్‌, సమర్పకులు - ఎమ్‌ ఎస్‌ రెడ్డి, చినబాబు, నిర్మాతలు - భావన రవి, నాగ శేఖర్‌, రామారావు చింతపల్లి, కొరియోగ్రఫి - వీజేశేఖర్‌, లైన్‌ ప్రొడ్యూసర్స్‌ - సంపత్‌, శివ ఎస్‌.యశోధర, ఎగ్జిక్యూటివ్‌ ప్రొడ్యూసర్‌ - నవీన్‌ రెడ్డి, డైలాగ్స్‌ - లక్ష్మీ భూపాల్‌, మ్యూజిక్ - కాలభైరవ, ఎడిటిర్‌ - కోటగిరి వెంకటేశ్వరరావు, సినిమాటోగ్రాఫర్‌ - సత్య హెగ్డే, స్టంట్స్‌ - వెంకట్‌.
