'కట్టప్ప' సత్యరాజ్‌ తనయుడు సిబిరాజ్‌ హీరోగా కిషోర్‌ దర్శకత్వంలో రూపొందిన చిత్రం 'మాయోన్‌'. ఈ చిత్ర హక్కులను మూవీ మ్యాక్స్‌ అధినేత, నిర్మాత మామిడాల శ్రీనివాస్‌ సొంతం చేసుకున్నారు.
ఈ చిత్రాన్ని తెలుగు రాష్ట్రాలలో జూలై 7న విడుదల చేయడానికి సన్నాహాలు చేస్తున్నారు.
ఈ సందర్బంగా నిర్మాత మామిడాల శ్రీనివాస్‌ మాట్లాడుతూ,'పురాతన దేవాలయానికి సంబంధిం చిన ఒక రహస్య పరిశోధన నేపథ్యంలో హై టెక్నికల్‌ వాల్యూస్‌తో రూపొందిన మిస్టరీ థ్రిల్లర్‌ ఇది. ఈ చిత్రాన్ని తెలుగు ప్రేక్షకులకు అందిస్తున్నందుకు చాలా సంతోషంగా ఉంది. గాడ్‌ వెర్సస్‌ సైన్స్‌ మెయిన్‌ థీమ్‌గా రూపొందిన ఈ చిత్రాన్ని నిర్మాత అరుణ్‌ మోజి మాణికం భారీ బడ్జెట్‌తో నిర్మించారు. ఆయనే ఈ చిత్రానికి స్క్రీన్‌ ప్లే రాయడం విశేషం. కిషోర్‌ దర్శకత్వం వహించిన ఈ మిస్టరీ థ్రిల్లర్‌కు సెన్సార్‌ వారు 'యు' సర్టిఫికెట్‌ ఇచ్చారు. ఈ చిత్రానికి మాస్ట్రో ఇళయరాజా సంగీతం ప్రధాన ఆకర్షణ. ఇప్పటికే ఈ సినిమాలోని పాటలకు సంగీత ప్రియుల నుండి మంచి స్పందన లభించింది. సినిమాటోగ్రాఫర్‌ రాంప్రసాద్‌ ఈ చిత్రాన్ని సెల్యూలాయిడ్‌ వండర్‌గా మలిచారు.ఈ చిత్రంలో అర్జున్ అనే ఆర్కియాలజిస్ట్‌గా సిబిరాజ్‌ నటిస్తుండగా, తాన్య రవిచంద్రన్‌ ఎపిగ్రాఫిస్ట్‌ పాత్రలో కనువిందు చేయనుంది' అని తెలిపారు. 'ఆద్యంతం ఉత్కంఠభరితంగా రూపొందిన ఈ చిత్రం తెలుగు ప్రేక్షకులకు విజువల్‌ వండర్‌గా సరికొత్త అనుభూతినిస్తుంది' అని హీరో శిబిరాజ్‌ అన్నారు.
