హీరో కార్తీ, 'అభిమన్యుడు' ఫేమ్‌ పిఎస్‌ మిత్రన్‌ కాంబినేషన్‌లో ప్రిన్స్‌ పిక్చర్స్‌ బ్యానర్‌ పై ఎస్‌.లక్ష్మణ్‌ కుమార్‌ నిర్మిస్తున్న యాక్షన్‌ థ్రిల్లర్‌ 'సర్దార్‌'.
ఈ సినిమా తెలుగు రాష్ట్రాల పంపిణీ హక్కులను అన్నపూర్ణ స్టూడియోస్‌ సొంతం చేసుంది. ఇటీవలి కాలంలో అన్నపూర్ణ స్టూడియోస్‌ సెలక్టీవ్‌గా సినిమా లను పంపిణీ చేస్తూ, క్యాలిటీ చిత్రాలను అందించే నిర్మాణ సంస్థల జాబితాలోకి చేరటం విశేషం.
కార్తీకి తెలుగులో భారీ ఫాలోయింగ్‌ ఉంది. 'అభిమన్యుడు' చిత్రంతో ప్రశంసలు అందుకున్నాడు దర్శకుడు పిఎస్‌ మిత్రన్‌. టెక్నాలజీకల్‌ థ్రిల్లర్స్‌ అందించడంలో పేరుపొందిన ఆయన ఈ సినిమాను మరో ఆసక్తికరమైన కథాంశంతో రూపొందిస్తున్నారు. ఈ క్రేజీ కాంబినేషన్‌లో తెరకెక్కుతున్న ఈ చిత్రంపై తమిళంతో పాటు తెలుగులోనూ భారీ అంచనాలు నెలకొన్నాయి.ఇందలో రాశీఖన్నా కథానాయికగా నటిస్తుండగా, రజిషా విజయన్‌, చుంకీ పాండే కీలక పాత్రలలో కనిపించనున్నారు. జార్జ్‌ సి విలియమ్స్‌ సినిమాటోగ్రఫీ అందిస్తుండగా, జివి ప్రకాష్‌ కుమార్‌ సంగీత సమకూరుస్తున్నారు.
ప్రస్తుతం ఈ సినిమా చిత్రీకరణ జరుగుతోంది. దీపావళికి తెలుగు, తమిళంలో థియేట్రికల్‌ విడుదలకు ఈ సినిమా సిద్ధమవుతోంది. ఈ చిత్రాన్ని తెలుగులో భారీ సంఖ్యలో గ్రాండ్‌గా అన్నపూర్ణ స్టూడియోస్‌ రిలీజ్‌ చేయటానికి సన్నాహాలు చేస్తోందని చిత్ర బృందం తెలిపింది. చుంకీ పాండే, రజిషా విజయన్‌, లైలా, మునిష్కాంత్‌, అశ్విన్‌, యోగ్‌ జాపి, నిమ్మి, బాలాజీ శక్తివేల్‌, ఎలవరసు తదితరులు నటిస్తున్న ఈ చిత్రానికి డీవోపీ: జార్జ్‌ సి విలియమ్స్‌, ఎడిటర్‌: రూబెన్‌, స్టంట్స్‌: దిలీప్‌ సుబ్బరాయన్‌, ఆర్ట్‌: కతీర్‌.
