విపిఆర్‌ ఎంటర్టైన్మెంట్స్‌ పతాకంపై నాని తిక్కిశెట్టిని దర్శకుడిగా పరిచయం చేస్తూ, వెలిచర్ల ప్రదీప్‌ రెడ్డి తొలి ప్రయత్నంగా నిర్మిస్తున్న ఫిమేల్‌ ఓరియెంటెడ్‌ సినిమా 'ఫిమేల్‌'. షూటింగ్‌ పూర్తి చేసుకుని, ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటున్న ఈ చిత్ర ఫస్ట్‌ లుక్‌ టైటిల్‌ రివీలింగ్‌ పోస్టర్‌ను మంత్రి సబితా ఇంద్రారెడ్డి విడుదల చేసి, చిత్రబందానికి శుభాకాంక్షలు తెలిపారు.
మహిళల పట్ల జరుగుతున్న అన్యాయాల నేపథ్యంలో రూపొందిన ఈ చిత్రం మహిళల్లో ఆత్మవిశ్వాసాన్ని పెంపొందించేందుకు దోహదపడి, మగాళ్లలో మార్పు తీసుకువచ్చే విధంగా ఉండాలని కోరుకుంటున్నానని సబితా ఇంద్రారెడ్డి అన్నారు.
శుభాంగి తంభాలే టైటిల్‌ పాత్ర పోషిస్తున్న ఈ చిత్రంలో జబర్దస్త్‌ బేబీ దీవెన, దీపిక, తమన్నా సింహాద్రి ఇతర ముఖ్య పాత్రలు పోషిస్తున్నారు. మహిళల పట్ల జరుగుతున్న దారుణాలపై విప్లవాత్మకమైన పరిష్కారాన్ని సూచిస్తూ రూపొందిన ఈ విభిన్న కథాచిత్రం త్వరలో ప్రేక్షకుల ముందుకు రానుంది. ఈ చిత్రానికి లిరిక్స్‌: గాంధీ కాకర్ల, సంగీతం: వంశీకాంత్‌ రేఖన, కెమెరా : జగదీష్‌ కొమరి, ఎడిటింగ్‌: క్రాంతి, కథ- స్క్రీన్‌ప్లే- దర్శకత్వం : నాని తిక్కిశెట్టి.
