హరీష్‌ కళ్యాణ్‌, అతుల్య రవి జంటగా థర్డ్‌ ఈవ్‌ ఎంటర్‌టైన్‌మెంట్‌, ఎస్పీ సినిమాస్‌ బ్యానర్స్‌ పై షణ్ముగం ముత్తుసామి దర్శకత్వంలో రూపొందుతున్న చిత్రానికి 'డీజిల్‌' అనే టైటిల్‌ని ఖరారు చేశారు. తెలుగు, తమిళ భాషల్లో తెరకెక్కుతున్న ఈ సినిమా టైటిల్‌తో పాటు ఫస్ట్‌ లుక్‌ పోస్టర్స్‌ని చిత్ర బృందం విడుదల చేసింది. ఎం దేవరాజులు నిర్మిస్తున్న రొమాంటి యాక్షన్‌ ఎంటర్టైనర్‌ చిత్రమిది.
ఒక పోస్టర్‌లో డీజిల్‌ ట్యాంక్‌ని పట్టుకున్న హరీష్‌ కళ్యాణ్‌, హాఫ్‌ శారీలో అందంగా ఉన్న అతుల్యను రొమాంటిక్‌గా చూస్తుండగా, మరో పోస్టర్‌లో ఇంటెన్స్‌ మోడ్‌లో డీజిల్‌ ట్యాంక్‌ పైపు పట్టుకుని టెర్రిఫిక్‌గా కనిపించాడు హరీష్‌ కళ్యాణ్‌. రొమాన్స్‌తో పాటు యాక్షన్‌ని జోడించిన ఫస్ట్‌ లుక్‌ పోస్టర్స్‌ సినిమాపై ఆసక్తిని పెంచాయి. ప్రస్తుతం పోస్ట్‌ ప్రొడక్షన్‌ పనులు శరవేగంగా జరుపుకుంటున్న ఈ చిత్రం త్వరలోనే ప్రేక్షకుల ముందుకు రానుంది అని చిత్ర యూనిట్‌ పేర్కొంది. పి.సాయికుమార్‌, ఎస్‌. కరుణాస్‌, వినరు రారు అనన్య, టి.పి. అరుణ్‌ పాండియన్‌, మరిముత్తు, సురేఖా వాణి, వివేక్‌ ప్రసన్న, కాళీ వెంకట్‌, సుబత్ర.ఎన్‌, ధీనా (దినేష్‌), తంగదురై కె, లక్ష్మీ శంకర్‌ (అభిషే) ఎస్‌.దేవరాజ్‌ , జార్జ్‌ విజరు నెల్సన్‌, ప్రేమ్‌ కుమార్‌, ఎస్‌ సచిన్‌ , రమేష్‌ తిలక్‌, సెల్వి తదితరులు నటిస్తున్న ఈచిత్రానికి సంగీతం: ధిబు నినన్‌ థామస్‌, డీవోపీ: ఎంఎస్‌ ప్రభు, ఎడిటర్‌ : షాన్‌ లోకేష్‌, ఆర్ట్‌ డైరెక్టర్‌ : రెంబన్‌, స్టంట్‌ డైరెక్టర్‌ : రాజశేఖర్‌.
