'భీమదేవరపల్లి బ్రాంచి' పూర్తి ఆర్గానిక్‌ గ్రామీణ జీవన చిత్రం. రెండు గంటల పాటు ప్రేక్షకుడిని నవ్వించడమే లక్ష్యంగా తెరకెక్కుతున్న సహజ చిత్రమిది.
క మారుమూల గ్రామంలో జరిగిన సంఘటన దేశ వ్యాప్తంగా సెన్సేషనల్‌ అయ్యింది. ఆ హాట్‌ టాపిక్‌ ఆధారంగా ఈ సినిమాను నెరోలిజం జోనర్లో మేకింగ్‌ చేస్తున్నారు. ఈ జోనర్లో వస్తున్న మొదటి తెలుగు సినిమా ఇదే కావడం విశేషం. గత ఇరవై రోజులుగా కరీంనగర్ జిల్లాలోని మల్లాపూర్‌ గ్రామం, దాని పరిసర ప్రాంతాల్లో ఏకధాటిగా రెండవ షెడ్యూల్‌ చిత్రీకరణ జరుగుతోంది. సుధాకర్‌ రెడ్డి,
కీర్తి లత, అభిరామ్‌, రూప, అంజి బాబు, రాజవ్వ తదితరులు నటిస్తున్నారు. ఏబి సినిమాస్‌, నిహాల్‌ ప్రొడక్షన్స్‌ పతాకాలపై రూపొందుతున్న ఈ చిత్రానికి 'మీ శ్రేయోభిలాషి' చిత్రంతో రచయితగా ఎన్నో అవార్డులు అందుకున్న రమేశ్‌ చెప్పాల కథ,మాటలు అందించడంతోపాటు దర్శకత్వం వహిస్తున్నారు.
చిత్రానికి నిర్మాత : బత్తిని కీర్తిలత గౌడ్‌, సహ నిర్మాత: రాజా నరేందర్‌ చెట్లపెల్లి, కెమెరా: చిట్టిబాబు, సంగీతం: చరణ్‌ అర్జున్, సాహిత్యం:సుద్దాల అశోక్‌ తేజ, ఎడిటర్‌: బొంతుల నాగేశ్వర్‌ రెడ్డి.
