శ్రీవిష్ణు ప్రస్తుతం ఓ పోలీస్‌ ఆఫీసర్‌ ఫిక్షనల్‌ బయోపిక్‌లో నటిస్తున్నారు. 'అల్లూరి' అనే పవర్‌ ఫుల్‌ టైటిల్‌తో ప్రదీప్‌ వర్మ దర్శకత్వంలో లక్కీ మీడియా బ్యానర్‌పై బెక్కెం వేణుగోపాల్‌ ఈ చిత్రాన్ని నిర్మిస్తున్నారు. బెక్కెం బబిత ఈ చిత్రాన్ని సమర్పిస్తున్నారు. శుక్రవారం ఈ చిత్రానికి సంబంధించిన ఫస్ట్‌లుక్‌ పోస్టర్‌ను రిలజ్‌ చేశారు.
ఫస్ట్‌ లుక్‌లో 'నిజాయితీకి మారుపేరు' అనే పవర్‌ ఫుల్‌ ట్యాగ్‌ లైన్‌ హీరో పాత్ర ఎలా ఉండబోతుందనేది చెప్పకనే చెప్పింది. అలాగే ఈ పాత్ర కోసం పూర్తిగా మేకోవర్‌ అయిన శ్రీవిష్ణు ఖాకీ డ్రెస్‌లో, చేతిలో తుపాకీని పట్టుకుని డాషింగ్‌గా కనిపించారు. సిన్సియర్‌ పవర్‌ ఫుల్‌ పోలీస్‌ ఆఫీసర్‌గా కనిపిస్తున్న 'అల్లూరి' ఫస్ట్‌లుక్‌ ఆసక్తికరంగా ఉంటూ అందర్నీ అలరిస్తోంది.
'దర్శకుడు ప్రదీప్‌ వర్మ నిజాయితీ గల ఒక పోలీసు కథ చెప్పడానికి చాలా రీసెర్చ్‌ చేశారు. ఎస్‌ఐగా బాధ్యతలు స్వీకరించిన రోజు మొదలైన ప్రయాణంలో అతను ఎలాంటి పరిస్థితులను ఎదుర్కొంటాడు?, అతను చేసే త్యాగాలు, సమాజం, ఉన్నతాధికారుల నుండి అతను ఎలాంటి ఒత్తిళ్లను ఎదుర్కొన్నాడనే అంశాలను ఆసక్తికరంగా చూపించబోతున్నారు. అయితే ఇలాంటి పరిస్థితుల్లోనూ తన ఆలోచనలతో మొత్తం డిపార్ట్‌మెంట్‌లో పెద్ద మార్పుని అల్లూరి ఎలా తీసుకొచ్చాడు? అనేదానితోపాటు అన్నివేళలా కర్తవ్యానికి ప్రాధాన్యత ఇచ్చే నిజాయితీ గల పోలీసు అధికారులకు ఘనమైన నివాళిగా ఈ సినిమా ఉంటుందని, ఒక పాట మినహా షూటింగ్‌ పూర్తి చేసుకున్న ఈ చిత్రాన్ని త్వరలోనే రిలీజ్‌ చేయనున్నారు. కయ్యదు లోహర్‌, తనికెళ్ల భరణి, సుమన్‌, మధుసూధన్‌ రావు, ప్రమోదిని, రాజా రవీంద్ర, పధ్వీ రాజ్‌, రవివర్మ, జయ వాణి, వాసు ఇంటూరి, వెన్నెల రామారావు, శ్రీనివాస్‌ వడ్లమాని తదితరులు నటిస్తున్న ఈ చిత్రానికి రచన, దర్శకత్వం: ప్రదీప్‌ వర్మ, ఎగ్జిక్యూటివ్‌ ప్రొడ్యూసర్‌: నాగార్జున వడ్డే, సంగీతం: హర్షవర్ధన్‌ రామేశ్వర్‌, డీవోపీ: రాజ్‌ తోట, ఎడిటర్‌: ధర్మేంద్ర కాకరాల, ఆర్ట్‌ డైరెక్టర్‌: విఠల్‌, ఫైట్స్‌: రామ్‌ క్రిషన్‌, సాహిత్యం: రాంబాబు గోసాల.
