రాఘవ లారెన్స్‌ కథానాయకుడిగా కతిరేసన్‌ దర్శకత్వంలో తెరకెక్కుతున్న యాక్షన్‌ థ్రిల్లర్‌ 'రుద్రుడు'. ఫైవ్‌ స్టార్‌ క్రియేషన్స్‌ ఎల్‌ఎల్‌పి ఈ చిత్రాన్ని నిర్మిస్తుండగా, కతిరేశన్‌ సమర్పిస్తున్నారు. క్రిస్మస్‌ కానుకగా ఈ చిత్రాన్ని విడుదల చేస్తున్నట్లు గతంలో వెల్లడించిన నిర్మాతలు తాజాగా రిలీజ్‌ డేట్‌ని ఖరారు చేశారు. డిసెంబర్‌ 23న ఈ చిత్రాన్ని ప్రపంచవ్యాప్తంగా భారీగా రిలీజ్‌ చేయనున్నట్లు ఎనౌన్స్‌ చేశారు.ఈ సందర్భంగా విడుదల చేసిన సెకండ్‌ లుక్‌ పోస్టర్‌లో లారెన్స్‌ లుక్‌ ఆసక్తికరంగా ఉంది.
'ఈవిల్‌ ఈజ్‌ నాట్‌ బోర్న్‌ , ఇట్‌ ఈజ్‌ క్రియేటెడ్‌' అనే ఉపశీర్షికతో వస్తున్న ఈ చిత్ర ఫస్ట్‌ లుక్‌కి కూడా భారీ స్పందన వచ్చింది. శరత్‌ కుమార్‌ కీలక పాత్ర పోషిస్తుండగా, ప్రియా భవానీ శంకర్‌ కథానాయికగా నటిస్తోంది. పూర్ణిమ భాగ్యరాజ్‌, నాజర్‌ తదితరులు నటిస్తున్న ఈ చిత్రానికి సంగీతం: జి.వి. ప్రకాష్‌ కుమార్‌, డీవోపీ : ఆర్‌ డి రాజశేఖర్‌, ఎడిటర్‌: ఆంథోనీ, స్టంట్స్‌: శివ - విక్కీ.
