'జార్జ్‌ రెడ్డి' చిత్రంతో నటుడిగా మంచి గుర్తింపు తెచ్చుకున్నారు అభయ్‌ బేతిగంటి. ఆయన హీరోగా నటిస్తూ, దర్శకత్వం వహిస్తున్న సినిమా 'రామన్న యూత్‌'. ఈ చిత్రాన్ని ఫైర్‌ ఫ్లై ఆర్ట్స్‌ పతాకంపై రజినీ నిర్మిస్తున్నారు. ఎంటర్‌ టైనింగ్‌ పొలిటికల్‌ డ్రామాగా తెరకెక్కుతున్న ఈ చిత్ర ఫస్ట్‌ లుక్‌ను ప్రియదర్శి, రాహుల్‌ రామకృష్ణ విడుదల చేసి, ఈ చిత్ర ఫస్ట్‌ లుక్‌ బాగుంది. అభయ్‌ మంచి ఆర్టిస్ట్‌. ఇప్పుడు డైరెక్షన్‌ కూడా చేస్తున్నాడు. ఓ కొత్త కాన్సెప్ట్‌తో సినిమా రూపొందిస్తున్నాడు. ఆయనకీ ఈ సినిమా మంచి సక్సెస్‌ ఇవ్వాలని ఆకాంక్షించారు. ఒక యువకుడు రాజకీయ నాయకుడిగా ఎదగాలని చేసే ప్రయత్నాలు ఎలాంటి మలుపులు తిరిగాయి అనేది ఈ చిత్రంలో ఆసక్తికరంగా తెరకెక్కిస్తున్నారు. వినోదంతో పాటు ఆలోచింపజేసే నేటి సామాజిక విషయాలూ ఈ కథలో ఉండబోతున్నాయి. రొటీన్‌కు భిన్నమైన కొత్త తరహా కథ ఇది. యూత్‌ లీడర్‌ రాజు పాత్రలో అభయ్‌ బేతిగంటి నటిస్తున్నారు. అన్ని కార్యక్రమాలు పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది.
అనిల్‌ గీల, శ్రీకాంత్‌ అయ్యంగార్‌, తాగుబోతు రమేష్‌ తదితరులు నటిస్తున్న ఈ చిత్రానికి ఎడిటర్‌ :రూపక్‌ రొనాల్డ్‌ సన్‌, అభయ్‌, సంగీతం : కమ్రాన్‌, సినిమాటోగ్రఫీ : ఫహాద్‌ అబ్దుల్‌ మజీద్‌, ఎగ్జిక్యూటివ్‌ ప్రొడ్యూసర్‌ : శివ ఎంఎస్‌కే.
