విష్ణు మంచు, సన్నీ లియోన్‌, పాయల్‌ రాజ్‌పుత్‌ నటీ నటులుగా డైనమిక్‌ డైరెక్టర్‌ ఈషన్‌ సూర్య హెల్మ్‌ దర్శకత్వంలో అవా ఎంటర్‌టైన్‌మెంట్‌, 24 ఫ్రేమ్స్‌ ఫ్యాక్టరీ పతాకాలపై నిర్మిస్తున్న చిత్రం 'జిన్నా'.
ఈ చిత్రానికి అనూప్‌ రూబెన్స్‌ సంగీతం అందిస్తుండగా, ఛోటా కె. నాయుడు సినిమాటోగ్రఫీ అందిస్తున్నారు. శరవేగంగా చిత్రీకరణ జరుపుకుంటున్న ఈ చిత్రంలోని మంచు విష్ణు ఫస్ట్‌ లుక్‌ను యూనిట్‌ విడుదల చేసింది.
ఈ ఫస్ట్‌ లుక్‌లో కొరియోగ్రాఫర్‌ ప్రేమ్‌ రక్షిత్‌, ఛోటా కే నాయుడు కనిపించడం విశేషం. అలాగే ఈ ఫస్ట్‌లుక్‌లో మంచు విష్ణు వైట్‌ డ్రెస్‌లో కనిపిస్తూ, అభిమానులలో మరింత క్యూరియాసిటీని క్రియేట్‌ చేశారు. ఇంతకు ముందు విడుదల చేసిన ప్రి లుక్‌కు ప్రేక్షకుల నుండి మంచి రెస్పాన్స్‌ వచ్చింది. గతంలో విష్ణు నటించిన రెండు చిత్రాలకు స్క్రిప్ట్‌లు అందించిన కోన వెంకట్‌ ఈ చిత్రానికి కథ, స్క్రీన్‌ప్లే రాశారు. మంచి కాన్సెప్ట్‌తో వస్తున్న ఈ చిత్రం ప్రేక్షకులందరికీ కచ్చితంగా నచ్చుతుందని మేకర్స్‌ అన్నారు.
