కిరణ్‌ అబ్బవరం, కశ్మీర పర్ధేశీ జంటగా నటిస్తున్న సినిమా 'వినరో భాగ్యము విష్ణుకథ'. ఈ సినిమాతో మురళి కిషోర్‌ అబ్బురూ దర్శకుడిగా పరిచయం అవుతున్నారు. అల్లు అరవింద్‌ సమర్పణలో జీఏ2 పిక్చర్స్‌ బ్యానర్‌ పై బన్నీ వాసు ఈ చిత్రాన్ని నిర్మిస్తున్నారు. నేడు (శుక్రవారం) హీరో కిరణ్‌ అబ్బవరం పుట్టిన రోజు. ఈ సందర్భంగా 'వినరో భాగ్యము విష్ణుకథ' టీజర్‌ను మేకర్స్‌ రిలీజ్‌ చేశారు.
'నా పేరు విష్ణు.. మా ఊరు తిరుపతి.. మరికొన్ని రోజుల్లో మీరు చూడబోయేదే నా కథ.. ఇప్పుడు నా కథ ఎందుకు చెప్తున్నానో మీకు తెలుసా.. అని హీరో కిరణ్‌ చెప్తుండగానే, హ్యాపీ బర్త్‌ డే విష్ణు అంటూ టీజర్‌ ముగుస్తుంది. దీనికి మంచి రెస్పాన్స్‌ లభిస్తోంది. ఇందులో కిరణ్‌ లుక్‌ మాస్‌ ఆడియన్స్‌తో పాటు కుటుంబ ప్రేక్షకుల్ని కూడా విపరీతంగా ఆకట్టుకుంటుంది. 'పిల్లా నువ్వు లేని జీవితం', 'భలే భలే మగాడివోరు', 'గీత గోవిందం', 'టాక్సీవాలా', 'చావు కబురు చల్లగా', 'ప్రతిరోజూ పండగే', 'మోస్ట్‌ ఎలిజిబుల్‌ బ్యాచ్‌లర్‌' లాంటి అద్భుతమైన విజయాల తర్వాత జిఏ 2 పిక్చర్స్‌ బ్యానర్లో వస్తున్న సినిమా ఇది. ఇప్పటికే గుడి ముందు డు..డు బసవన్నతో లుంగీ కట్టుకొని పర్ఫెక్ట్‌ మాస్‌ లుక్‌లో ఉన్న కిరణ్‌ పోస్టర్‌ అందరినీ అలరించింది. తాజాగా వచ్చిన టీజర్‌ మరింత ఆసక్తికరంగా ఉండటంతో సినిమాపై అంచనాలు పెరిగాయి.సెప్టెంబర్‌ 30న ఈ సినిమా విడుదల కానుంది' అని చిత్ర బృందం తెలిపింది.
ఈ చిత్రానికి సహనిర్మాత - బాబు, ఎడిటర్‌ - మార్తండ్‌ కె. వెంకటేశ్‌, మ్యూజిక్‌ - చైతన్‌ భరద్వాజ్‌.