కిరణ్‌ అబ్బవరం హీరోగా రూపొందుతున్న తాజా చిత్రం 'మీటర్‌'. రమేష్‌ కాదూరి దర్శకుడు. ప్రముఖ నిర్మాణ సంస్థలు క్లాప్‌ ఎంటర్‌టైన్‌మెంట్‌, మైత్రీమూవీ మేకర్స్‌ ఈ చిత్రాన్ని సంయుక్తంగా నిర్మిస్తున్నాయి.
నవీన్‌ ఎర్నేని, రవిశంకర్‌ యలమంచిలి సమర్పణలో చిరంజీవి (చెర్రీ), హేమలత పెదమల్లు నిర్మిస్తున్నారు. శుక్రవారం కథానాయకుడు కిరణ్‌ అబ్బవరం పుట్టినరోజు సందర్భంగా ఈ చిత్ర ఫస్ట్‌లుక్‌ పోస్టర్‌తో పాటు మోషన్‌ పోస్టర్‌ను కూడా విడుదల చేసింది చిత్రబందం.
ఈ ఫస్ట్‌లుక్‌లో కలర్‌ఫుల్‌ షర్ట్‌తో, ఫుల్‌మాసివ్‌ లుక్‌తో కనిపిస్తున్నాడు కథానాయకుడు కిరణ్‌. ఈ లుక్‌తో పాటు టైటిల్‌ కూడా అందరిలోనూ ఆసక్తిని కలిగిస్తుంది. ఈ ఫస్ట్‌లుక్‌కి సర్వత్రా మంచి ప్రశంసలు లభిస్తున్నాయి. మోషన్‌ పోస్టర్‌కు సాయి కార్తీక్‌ అందించిన మాసివ్‌ బ్యాగ్రౌండ్‌ స్కోర్‌ చూస్తుంటే, ఇది పక్కా కమర్షియల్‌ పైసా వసూల్‌ చిత్రంగా అనిపిస్తుంది. ఈ చిత్రం కిరణ్‌ అబ్బవరం ఇమేజ్‌ను రెట్టింపు చేసే విధంగా ఉంటుందని చెబుతుంది చిత్రబందం. అత్యులరవి నాయికగా నటిస్తున్న ఈ చిత్రానికి సంగీతం: సాయికార్తీక్‌, సంభాషణలు: రమేష్‌ కాదూరి, సూర్య, డీఓపీ: వెంకట్‌.సి.దిలీప్‌, ప్రొడక్షన్‌ డిజైనర్‌: జేవీ, లైన్‌ ప్రొడ్యూసర్‌: అలేఖ్య పెదమల్లు, ఎగ్జిక్యూటివ్‌ ప్రొడ్యూసర్‌ : బాబాసాయి, చీఫ్‌ ఎగ్జిక్యూటివ్‌ ప్రొడ్యూసర్‌: బాల సుబ్రమణ్యం కెవీవీ, ప్రొడక్షన్‌ కంట్రోలర్‌: సురేష్‌ కందుల.
