హీరో అఖిల్‌ అక్కినేని 'ఏజెంట్‌' సినిమాతో పాన్‌ ఇండియాలో అడుగుపెడుతున్నారు. సురేందర్‌ రెడ్డి దర్శకత్వంలో తెలుగు, హిందీ, తమిళం, కన్నడ, మలయాళం భాషల్లో ఈ చిత్రం ఏకకాలంలో విడుదల కానుంది. ఈ సినిమా తెలుగు వెర్షన్‌ టీజర్‌ను అభిమానులు కోలాహలం మధ్య మల్లికార్జున్‌ థియేటర్‌లో గ్రాండ్‌గా లాంచ్‌ చేసింది చిత్ర బందం.
అఖిల్‌, సాక్షి వైద్య, సురేందర్‌ రెడ్డి, నిర్మాత అనిల్‌ సుంకర, డీవోపీ రసూల్‌ ఎల్లోర్‌ ఈ ఈవెంట్‌లో పాల్గొన్నారు.
కథానాయికలు శివ కార్తికేయన్‌, కిచ్చా సుదీప్‌ కలిసి తమిళం, కన్నడ భాషలలో 'ఏజెంట్‌' టీజర్‌ను లాంచ్‌ చేయగా, అఖిల్‌, మమ్ముట్టి మలయాళం వెర్షన్‌ టీజర్‌ను విడుదల చేసారు. హిందీ వెర్షన్‌ టీజర్‌ కూడా విడుదలైంది.
'నిమిషం16 సెకన్లు నిడివి గల ఏజెంట్‌ టీజర్‌ స్లిక్‌, స్టైలిష్‌ యాక్షన్‌-ప్యాక్డ్‌గా అదరగొట్టింది. నేషనల్‌ సెక్యూరిటీ ఏజెన్సీహెడ్‌ మమ్ముట్టిని విచారిస్తుండగా, అతను ఏజెంట్‌ క్యారెక్టర్‌ గురించి పవర్‌ ఫుల్‌గా వివరించడం ఆసక్తికరంగా ఉంది. అతన్ని పట్టుకోగలమా? అని ఓ ఆఫీసర్‌ అడిగితే.. ''నో హీఈజ్‌ అన్‌ ప్రిడిక్టబుల్‌. నో విట్నేస్‌, నో ఫారిన్సిక్‌ ఎవిడెన్స్‌. అతని డెత్‌ నోట్‌ ఆల్రెడీ రాసుంది' అని మమ్ముటి చెప్పడం టెర్రిఫిక్‌గా ఉంది. మహదేవ్‌ పాత్ర చెప్పినట్లే టీజర్‌లో అఖిల్‌ యాక్షన్‌ అవుట్‌ స్టాండింగ్‌గా ఉంది. చావుకు భయపడని ఏజెంట్‌ పాత్రలో కనిపించారు అఖిల్‌. టీజర్‌ చివరిలో తనని చంపమని అరిచే సీక్వెన్స్‌లో ఏజెంట్‌ ధైర్య సాహసాలకు నిదర్శనంగా నిలచారు. యాక్షన్‌-ప్యాక్డ్‌ క్యారెక్టర్‌తో ఎక్స్‌టార్దినరీ నటనతో అఖిల్‌ మెస్మరైజ్‌ చేశారు. అఖిల్‌ మేకోవర్‌ నిజంగా అద్భుతంగా ఉంది. హీరోయిన్‌ సాక్షి వైద్య ఏజంట్‌ని 'వైల్డ్‌ సాలే' అని పిలుస్తూ కూల్‌ అండ్‌ బ్యూటీఫుల్‌గా కనిపించింది. నేషనల్‌ సెక్యూరిటీ ఏజెన్సీహెడ్‌ మహదేవ్‌ పాత్రలో మమ్ముట్టి హూందాగా కనిపించారు. మహదేవ్‌ పాత్రలో ఆయన కనిపించిన తీరు ఆ పాత్రకు వన్నె తెచ్చినట్లుగా ఉంది. టీజర్‌ మొత్తం స్టైలిష్‌గా ఉంది. సురేందర్‌ రెడ్డి విజువలైజేషన్‌ అద్భుతం. రసూల్‌ ఎల్లోర్‌ ఏజెంట్‌ వరల్డ్‌ని విజువల్‌ ట్రీట్‌గా చిత్రీకరించారు. హిప్‌ హాప్‌ తమిజా అందించిన బ్యాక్‌గ్రౌండ్‌ స్కోర్‌ ఏజంట్‌ పాత్రని అద్భుతంగా ఎలివేట్‌ చేసింది. ఎకె ఎంటర్‌టైన్‌మెంట్స్‌, సురేందర్‌ 2 సినిమా నిర్మాణ విలువలు ఉన్నంతగా వున్నాయి. వక్కంతం వంశీ కథ అందించారు. రామబ్రహ్మం సుంకర నిర్మిస్తున్న ఈ చిత్రానికి అజరు సుంకర, పతి దీపా రెడ్డి సహ నిర్మాతలుగా వ్యవహరిస్తున్నారని చిత్ర యూనిట్‌ తెలిపింది.
