లెజెండ్‌ శరవణన్‌ భారీ పాన్‌-ఇండియా చిత్రం 'ది లెజెండ్‌'. ఈ చిత్రంతో కథానాయకుడిగా పరిచయం అవుతున్నారు. లెజెండ్‌ న్యూ శరవణ స్టోర్స్‌ ప్రొడక్షన్స్‌ పతాకంపై ఆయనే స్వయంగా నిర్మిస్తున్న ఈ భారీ చిత్రం థియేట్రికల్‌ విడుదలకు సిద్ధమవుతోంది.
ఎమోషన్‌, యాక్షన్‌, రొమాన్స్‌, కామెడీ కమర్షియల్‌ ఎలిమెంట్స్‌తో ఉన్న ఈ మాస్‌ చిత్రానికి కథ, స్క్రీన్‌ప్లే, దర్శకత్వం జెడి-జెర్రీ. ఈ సినిమా ట్రైలర్‌ను నాయిక తమన్నా విడుదల చేశారు.
విదేశాల్లో మైక్రోబయాలజీ డాక్టరేట్‌ పూర్తి చేసి, దేశ ప్రజలకు సేవ చేసేందుకు తన స్వగ్రామానికి వచ్చిన శరవణన్‌కు ఇక్కడ ఎలాంటి పరిస్థితులు ఎదురయ్యాయి?, సవాళ్ళని ఎలా ఎదురుకున్నాడనేది 'ది లెజెండ్‌' కథాంశమని ట్రైలర్‌ చూస్తే అర్ధమౌతుంది.
ఈ ట్రైలర్‌లో శరవణన్‌ కూల్‌గా కనిపిస్తున్నారు. యాక్షన్‌, రొమాన్స్‌, కామెడీ అన్నీ ఎలిమెంట్స్‌లో తనదైన ఈజ్‌తో ఆకట్టుకున్నారు. జెడి-జెర్రీ ఈ చిత్రాన్ని పూర్తి కమర్షియల్‌ ఎంటర్‌టైనర్‌గా రూపొందించారనేది ట్రైలర్‌ చూస్తే తెలుస్తుంది. సినిమాటోగ్రఫీ రిచ్‌గా వుంది. హారిస్‌ జయరాజ్‌ ట్రైలర్‌కు అందించిన నేపథ్య సంగీతం ఆకట్టుకుంది. నిర్మాణ విలువలు ఉన్నతంగా ఉన్నాయి. సినిమా అన్ని వర్గాల ప్రేక్షకులకు ఆకట్టుకునేలా ఉంటుంది అని చిత్ర బృందం తెలిపింది.
ఊర్వశి రౌతేలా కథానాయికగా నటించిన ఈ చిత్రాన్ని ఈనెల 28న ప్రపంచ వ్యాప్తంగా తమిళం, తెలుగు, కన్నడ, మలయాళం, హిందీ భాషల్లో గ్రాండ్‌గా విడుదల చేయనున్నారు. శ్రీ లక్ష్మీ మూవీస్‌ సంస్థ తిరుపతి ప్రసాద్‌ ఈ చిత్రాన్ని తెలుగు రాష్ట్రాల్లో భారీగా రిలీజ్‌ చేసేందుకు సన్నాహాలు చేస్తున్నారు.
