శ్రీ ఆదిత్య హీరోగా, రమ్య, పవిత్ర, మాధురి హీరోయిన్లుగా నటిస్తున్న చిత్రం 'ఆదిత్య టి 20 లవ్‌ స్టోరీ'.
ఎంజే క్రియేషన్స్‌ బ్యానర్‌పై బేబీ మన్వితా చరణ్‌ అడపా సమర్పణలో చిన్నబాబు అడపా నిర్మిస్తున్న చిత్రమిది.
లవ్‌ అండ్‌ యాక్షన్‌ జోనర్‌లో రూపొందుతున్న ఈ చిత్రానికి చిన్ని చరణ్‌ అడపా దర్శకత్వం వహిస్తున్నారు. తాజాగా ఈ మూవీకి సంబంధించిన ఫస్ట్‌ లుక్‌ పోస్టర్‌ను దర్శకుడు రామ్‌ గోపాల్‌ వర్మ విడుదల చేశారు. 'ఆదిత్య టి 20 లవ్‌ స్టోరీ' ఫస్ట్‌ లుక్‌ పోస్టర్‌ చాలా కొత్తగా ఉంది. హీరో శ్రీ ఆదిత్య స్టైలీష్‌గా కనిపిస్తున్నాడు. కళ్లజోడు లుక్‌ కూడా కొత్తగా అనిపిస్తుంది. ఈ పోస్టర్‌తో అందరిలోనూ చిత్రయూనిట్‌ అంచనాలు పెంచేసింది. ఈ చిత్రానికి సంబంధించిన పోస్ట్‌ ప్రొడక్షన్‌ కార్యక్రమాలు కూడా పూర్తయ్యాయి. త్వరలోనే ఈ సినిమాకి సంబంధించిన విడుదల తేదీని మేకర్లు ప్రకటించనున్నారు' అని చిత్ర బృందం తెలిపింది.
ప్రభు తాళ్లూరి సహ నిర్మాతగా రాబోతున్న ఈ చిత్రానికి కెమెరామెన్‌గా చిన్నబాబు అడపా, మ్యూజిక్ డైరెక్టర్‌గా చిన్ని చరణ్‌ అడపా, ఎడిటర్‌గా ఎంఆర్‌ వర్మ వ్యవహరిస్తున్నారు. శ్రీ ఆదిత్య, రమ్య, పవిత్ర, మాధురిలతో పాటు విజయ రంగరాజు, దత్తు, రాజనాల, అప్పారావు, మేరీ భావన వంటి వారు ముఖ్య పాత్రలను పోషిస్తున్న ఈ చిత్రానికి ఎడిటర్‌ : ఎంఆర్‌ వర్మ, బ్యాక్‌ గ్రౌండ్‌ స్కోర్‌ : అభిషేక్‌ రూఫస్‌, వియఫ్‌ఎక్స్‌, గ్రాఫిక్స్‌: అఖిల్‌, లిరిక్స్‌ : వేల్పుల వెంకటేష్‌.
