నితిన్‌ లేటెస్ట్‌గా నటిస్తున్న మాస్‌, కమర్షియల్‌ ఎంటర్‌టైనర్‌ 'మాచర్ల నియోజకవర్గం'. ఈ సినిమా కోసం ప్రేక్షకులు ఎంతో ఆసక్తితో ఎదురు చూస్తున్నారు. ఇప్పటికే విడుదలైన చార్ట్‌బస్టర్‌ పాటలు, 'మాచర్ల యాక్షన్‌ ధమ్కీ' భారీ అంచనాలు పెంచాయి. గుంటూరులోని బ్రాడీపేట్‌లో జరిగిన గ్రాండ్‌ ఈవెంట్‌లో 'మాచర్ల నియోజకవర్గం' థియేట్రికల్‌ ట్రైలర్‌ను దర్శకుడు అనిల్‌ రావిపూడి లాంచ్‌ చేశారు.
రెండు నిమిషాల యాభై సెకన్లు నిడివి గల 'మాచర్ల నియోజకవర్గం' ట్రైలర్‌ పవర్‌ ప్యాక్డ్‌ యాక్షన్‌ ఎంటర్‌ టైనర్‌గా మైండ్‌ బ్లోయింగ్‌గా అనిపించింది. నితిన్‌, కతి శెట్టిల లవ్లీ ఎంట్రీతో కూల్‌గా మొదలైన ట్రైలర్‌.. వెన్నెల కిషోర్‌, రాజేంద్ర ప్రసాద్‌, మురళీ శర్మ పంచిన హాస్యంతో పర్ఫెక్ట్‌ ఫ్యామిలీ వినోదాన్ని అందించింది. కలెక్టర్‌ సిద్ధార్థ్‌ రెడ్డిగా నితిన్‌ మాచర్లలోకి ఎంటరవ్వడంతో కంప్లీట్‌ యాక్షన్‌తో మాస్‌ ఫీస్ట్‌గా మెస్మరైజ్‌ చేసింది. రాజప్పగా సముద్రఖని విలన్‌ ఎంట్రీ టెర్రిఫిక్‌గా వుంది. మాచర్లలో రాజప్ప తిరుగులేని శక్తి. తన బలంతో ఎన్నికలే లేకుండా ఎమ్మెల్యేగా ఏకగ్రీవంగా ఎన్నిక అవుతుంటాడు. ఐతే నియోజక వర్గంలో ఎన్నికలను నిర్వహించి తీరుతానని, కలెక్టర్‌ అది నా భాద్యతని నితిన్‌, రాజప్పతో ఛాలెంజ్‌ చేయడం పవర్‌ ఫుల్‌గా వుంది. నితిన్‌ క్యాజువల్స్‌లో స్టన్నింగా కనిపిస్తూనే ఇన్‌ బిల్ట్‌ ఊర మాస్‌ క్యారెక్టరైజేషన్‌ బ్రిలియంట్‌ అనిపించాడు. ముఖ్యంగా డైలాగ్స్‌ అదిరిపోయాయి. 'నువ్వేమో త్రివిక్రమ్‌ శ్రీనివాస్‌ పంచ్‌ లు, వీళ్ళేమో బోయపాటి శ్రీను యాక్షన్‌.. ఇప్పుడు నేనేం చెయ్యాలి.. రాజమౌళి హీరోలా ఎలివేషన్‌ ఇవ్వాలా' ఈ ఒక్క డైలాగ్‌ వింటే సినిమా ఏ స్థాయిలో ఎంటర్‌టైన్‌ చేయనుందో చెప్పక్కర్లేదు. ఈనెల 12న ప్రపంచవ్యాప్తంగా ఈ సినిమా గ్రాండ్‌గా విడుదల కానుంది.
