ప్రతిష్టాత్మక పూర్ణోదయ మూవీ క్రియేషన్స్‌ అధినేత ఏడిద నాగేశ్వరరావు మనవరాలు శ్రీజ నిర్మాతగా శ్రీజ ఎంటర్టైన్మెంట్‌ బ్యానర్‌లో నిర్మిస్తున్న చిత్రం 'ఫస్ట్‌ డే ఫస్ట్‌ షో'. మిత్రవింద మూవీస్‌ సహ నిర్మాతగా వ్యవహరిస్తోంది. ఏడిద శ్రీరామ్‌ ఈ చిత్రాన్ని సమర్పిస్తున్నారు.
'జాతి రత్నాలు' ఫేమ్‌ దర్శకుడు అనుదీప్‌ కెవి కథ, స్క్రీన్‌ ప్లే, డైలాగ్స్‌ అందిస్తున్నారు.
సరికొత్త కామెడీ ఎంటర్‌టైనర్‌గా తెరకెక్కిన ఈ సినిమా విడుదల తేదీ ఖరారైంది. సెప్టెంబర్‌ 2న ఈ చిత్రాన్ని ప్రపంచవ్యాప్తంగా విడుదల చేస్తున్నట్లు నిర్మాతలు ప్రకటించారు.
ఈ సందర్భంగా విడుదల చేసిన డేట్‌ ఎనౌన్స్‌మెంట్‌ వీడియో ఆసక్తికరంగా ఉంది. థియేటర్లో ఫ్యాన్స్‌ కోలా హలం, విజిల్స్‌, చప్పట్లు, తెరపై ఫ్యాన్స్‌ కురిపించిన కాగితాల వర్షం లాంటి సందడి వాతావరణంతో విడుదల చేసిన ఈ వీడియో అందర్నీ విశేషంగా ఆకట్టుకుంటోంది.
ఇప్పటికే ఆసక్తికరమైన ప్రమోషనల్‌ కంటెంట్‌తో ఈ చిత్రంపై క్యూరియాసిటీ పెరిగింది. టీజర్‌తో పాటు 'మజ్జా మజ్జా', 'నీ నవ్వే..' పాటలు అన్ని వర్గాల ప్రేక్షకులను అలరించి, మంచి రెస్పాన్స్‌ అందుకున్నాయి.
వంశీధర్‌ గౌడ్‌, లక్ష్మీనారాయణ పి సంయుక్తంగా ఈ చిత్రానికి దర్శకత్వం వహిస్తున్నారు. ''జాతిరత్నాలు' వంటి సెన్సేషనల్‌ బ్లాక్‌బస్టర్‌ తర్వాత అనుదీప్‌ దర్శకత్వం వహిస్తున్న సినిమా కావడంతో ఈ సినిమాపై అందరీలోనూ భారీ అంచనాలు ఏర్పడ్డాయి. అలాగే ప్రతిష్టాత్మక బ్యానర్‌ నుంచి ఈ సినిమా వస్తుండటంతో సినిమాపై మంచి ఆసక్తి ఏర్పడింది. సరికొత్త కామెడీ ఎంటర్‌టైనర్‌గా ఈ చిత్రాన్ని ప్రేక్షకుల ముందుకు తీసుకొస్తున్నారు' అని చిత్ర యూనిట్‌ తెలిపింది.
శ్రీకాంత్‌ రెడ్డి, సంచిత బాషు, తనికెళ్ల భరణి, వెన్నెల కిషోర్‌, శ్రీనివాస్‌ రెడ్డి, మహేష్‌ ఆచంట, ప్రభాస్‌ శ్రీను, గంగవ్వ, సివిఎల్‌ నరసింహారావు, వంశీధర్‌ గౌడ్‌, సాయి చరణ్‌ బొజ్జా తదితరులు నటిస్తున్న ఈ చిత్రానికి సమర్పణ: ఏడిద శ్రీరామ్‌, కథ: అనుదీప్‌ కెవి, నిర్మాత: శ్రీజ ఏడిద, స్క్రీన్‌ ప్లే: అనుదీప్‌ కెవి, వంశీధర్‌ గౌడ్‌, కళ్యాణ్‌, డైలాగ్స్‌: అనుదీప్‌ కెవి, వంశీధర్‌ గౌడ్‌, సంగీతం: రాధన్‌, డీవోపీ: ప్రశాంత్‌ అంకిరెడ్డి, ఎడిటర్‌: మాధవ్‌.
