రా మూవీగా 'పలాస 1978'ను రూపొందించి ప్రేక్షకులే కాదు.. విమర్శకుల ప్రశంసలు సైతం అందుకున్న దర్శకుడు కరుణ కుమార్‌. ఆ తర్వాత 'శ్రీదేవి సోడా సెంటర్‌' వంటి మరో రా అండ్‌ రస్టిక్‌ కాన్సెప్ట్‌ చిత్రంతో మరోసారి ప్రేక్షకులను అలరించారు. లేటెస్ట్‌గా కామెడీ డ్రామా 'కళాపురం' చిత్రంతో అలరించటానికి సిద్ధమయ్యారు. ఈ ఊరిలో అందరూ కళాకారులే అనేది సినిమా క్యాప్షన్‌. జీ స్టూడియోస్‌ సమర్పణలో ఆర్‌ 4 ఎంటర్‌టైన్‌మెంట్స్‌ బ్యానర్‌పై రజనీ తాళ్లూరి ఈ సినిమాను నిర్మిస్తున్నారు.
సత్యం రాజేష్‌, చిత్రం శ్రీను, రక్షిత్‌ అట్లూరి తదితరులు నటించారు. కరుణ కుమార్‌ గత రెండు చిత్రాలకు భిన్నంగా ఈ సినిమాను రూపొందిస్తున్నారు. ఈ చిత్ర ఫస్ట్‌ లుక్‌ను ఇటీవల చిత్ర యూనిట్‌ విడుదల చేసింది. ఈ ఫస్ట్‌లుక్‌ లో సినిమాలో నటిస్తున్న ప్రధాన పాత్రధారులందరూ కనిపిస్తున్నారు. అన్నీ పాత్రలు చాలా ఆసక్తికరంగా అనిపిస్తున్నాయి. సిట్చ్యువేషనల్‌ కామెడీతో ప్రేక్షకులను అలరించటానికి కరుణ కుమార్‌ రెడీ అవుతున్నారని ఈ ఫస్ట్‌లుక్‌ పోస్టర్‌ చెప్పకనే చెబుతోంది. ఈ సినిమాను ఈనెల 26న విడుదల చేస్తున్నారు. మణిశర్మ ఈ చిత్రానికి సంగీతాన్ని అందిస్తున్నారు.
