శివ ఆలపాటి, ప్రియాంక శర్మ జంటగా నటిస్తున్న చిత్రం 'డై హార్డ్‌ ఫ్యాన్‌'.
శ్రీహాన్‌ సినీ క్రియేషన్స్‌ బ్యానర్‌ పై అభిరామ్‌ ఎం దర్శకత్వంలో ఈ చిత్రాన్ని చంద్రప్రియ సుబుద్ధి నిర్మిస్తున్నారు. స్టార్‌ హీరోస్‌కి మాత్రమే కాకుండా హీరోయిన్స్‌కి కూడా అభిమానులు ఉంటారు.
సినిమాలో నటించే హీరోయిన్స్‌ అంటే యూత్‌లో ఎంత క్రేజ్‌ ఉంటుందో ప్రత్యేకంగా చెప్పాల్సిన అవసరం లేదు.
అలాంటి ఓ అభిమాని తాను అభిమానించే హీరోయిన్‌ని కలవాల నుకుంటాడు. అనుకోకుండా హీరోయిన్‌ కలిస్తే ఆ రాత్రి ఏం జరిగిందనేది ఈ చిత్ర ముఖ్య కథాంశం. ఈ చిత్రానికి మధు పొన్నాస్‌ సంగీతం అందిస్తున్నారు. తాజాగా ఈ చిత్రం నుండి ''అరెరే కుదురే లేదే'' అనే పాటను మేకర్స్‌ రిలీజ్‌ చేశారు. హరిచరణ్‌ ఈ పాటను ఆలపించగా, లక్ష్మి ప్రియాంక సాహిత్యం అందించారు. 'అరెరే కుదురే లేదే .. కరిగే కాలానికే నిన్నే చూస్తూ ఇలా ... క్షణమే చేజారిందే
తారే నేరుగా ... జారిందిలా నేలకే... నాకోసమే'' అనే లైన్స్‌ వినసొంపుగా ఉన్నాయి. షకలక శంకర్‌, రాజీవ్‌ కనకాల, నోయల్‌ కీలక పాత్రల్లో నటిస్తున్నారు. ఇటీవల ఈ చిత్రం నుంచి విడుదలైన కాన్సెప్ట్‌ మోషన్‌ పోస్టర్‌కి అన్ని వర్గాల ప్రేక్షకుల నుంచి విశేష స్పందన లభించింది. ఇదే నెలలో ఈ చిత్రాన్ని ప్రేక్షకుల ముందుకు తీసుకొచ్చేందుకు మేకర్స్‌ సన్నాహాలు చేస్తున్నారు.
'ఇలాంటి కథతో ఈ మధ్య కాలంలో ఏ సినిమా రాలేదు. సరికొత్త కథ, కథనాలతో ఈ చిత్రాన్ని దర్శకుడు అభిరామ్‌ అద్భుతంగా తెరకెక్కిస్తున్నారు. నాయకానాయికలు శివ ఆలపాటి, ప్రియాంక శర్మ ఆన్‌ స్క్రీన్‌ కెమిస్ట్రీ అందర్నీ మెస్మరైజ్‌ చేస్తుంది. కథానుగుణంగా నిర్మాత ఎక్కడా రాజీపడకుండా ఈ చిత్రాన్ని నిర్మించారు. మధు పొన్నాస్‌ సంగీతం, జగదీష్‌ కెమెరా పనితనం ఈ చిత్రానికి ప్రధాన ఆకర్షణలుగా నిలువనున్నాయి' అని చిత్ర యూనిట్‌ తెలిపింది.
ఈ చిత్రానికి ఎగ్జిక్యూటివ్‌ ప్రొడ్యూసర్‌: సందీప్‌ కింతలి, మాటలు-అడిషనల్‌ స్క్రీన్‌ ప్లే : సయ్యద్‌ తాజుద్దీన్‌, సంగీతం: మధు పొన్నాస్‌, సినిమాటోగ్రఫీ: జగదీష్‌ బొమ్మిశెట్టి, ఎడిటర్‌ : తిరు, ప్రొడక్షన్‌ ఎగ్జిక్యూటివ్‌: వెంకటేష్‌ తిరుమల శెట్టి.
