విభిన్నమైన కథాకథనాలతో సహజత్వానికి దగ్గరగా రాబోతున్న సరికొత్త చిత్రం 'ఏలవ్‌'. రామరాజు, సోనాక్షి వర్మ, అభి, ప్రీతి సింగ్‌, శ్రీకష్ణ, డాక్టర్‌ మారుతి సకారం తదితరులు ముఖ్య పాత్రల్లో నటించారు. ఈ సినిమా టైటిల్‌ లోగోను అగ్ర దర్శకుడు నాగ్‌ అశ్విన్‌ లాంచ్‌ చేశారు. గిరిజన నేపథ్యంలో స్వచ్ఛమైన ప్రేమకథతో రూపొందుతున్న ఈ సినిమా ప్రతి ఒక్కరికి రీచ్‌ అవ్వాలని, అందుకే ఈ చిత్ర ఫస్ట్‌ లుక్‌ను రిలీజ్‌ చేస్తున్నానని నాగ్‌ అశ్విన్‌ తెలిపారు.
వాస్తవానికి చాలా దగ్గరగా ఉండే ఈ కథ, ప్రేక్షకులకు ఒక కొత్త అనుభూతినిస్తుందని దర్శక, నిర్మాతలు చెబుతున్నారు. టీఎంఎస్‌ బ్యానర్‌లో ప్రీతమ్‌ ఆర్ట్స్‌, ఎస్‌ఎన్‌ క్రియేషన్స్‌ కలయికతో మహేందర్‌ సింగ్‌, శైలజ తాటిచెర్ల, శ్రీనారాయణ ఈ చిత్రాన్ని నిర్మించారు. ఈ చిత్రంలో అందరూ నూతన నటీనటులు నటించారు. శ్రీనారాయణ దర్శకత్వంలో మనసుకు హత్తుకునే ఎమోషన్స్‌తో పాటు మహిళలకు సంబంధించిన ఓ గొప్ప సందేశం కూడా అంతర్లీనంగా ఉండటం ఓ విశేషమైతే, ఈ సినిమా మొత్తం ఆటవిక నేపథ్యంలో సాగడం మరో విశేషం.
ఈ చిత్రానికి నిర్మాతలు: మహేందర్‌ సింగ్‌, శైలజ తాటిచర్ల, శ్రీనారాయణ, రచన- దర్శకత్వం : శ్రీనారాయణ, మ్యూజిక్: సన్నీ మానిక్‌, రామ్‌ చరణ్‌, ఎడిటింగ్‌: మార్తాండ్‌ కె వెంకటేష్‌, కెమెరామెన్‌: మహేందర్‌, సౌండ్‌ డిజైన్‌: యతీరాజ్‌.
