-'మాచర్ల నియోజకవర్గం' సక్సెస్‌మీట్‌లో హీరో నితిన్‌
             నితిన్‌ నటించిన కమర్షియల్‌ మాస్‌ యాక్షన్‌ ఎంటర్‌టైనర్‌ 'మాచర్ల నియోజకవర్గం'. ఈ చిత్రం భారీ సక్సెస్‌ అందుకుంది. శ్రేష్ట్‌ మూవీస్‌ బ్యానర్‌పై సుధాకర్‌ రెడ్డి, నికితారెడ్డి నిర్మాతలుగా, ఎమ్‌.ఎస్‌.రాజ శేఖర్‌ రెడ్డి దర్శకత్వంలో తెరకెక్కిన ఈ చిత్రం అన్ని వర్గాల ప్రేక్షకులను ఆకట్టుకుని బిగ్గెస్ట్‌ బ్లాక్‌బస్టర్‌గా నిలిచింది. ఈ నేపథ్యంలో ప్రేక్షకులకు కృతజ్ఞతలు తెలుపుతూ సక్సెస్‌మీట్‌ నిర్వహించింది చిత్ర యూనిట్‌.
             ఈ సందర్భంగా హీరో నితిన్‌ మాట్లాడుతూ,'తెలుగు ప్రేక్షకులకు చాలా పెద్ద థ్యాంక్స్‌. నా కెరీర్‌లోనే బెస్ట్‌ ఓపెనింగ్స్‌ ఇచ్చారు. మీ ప్రోత్సాహం ఎప్పుడూ ఉంటుందని నమ్మాను, నా నమ్మకం ఈ సినిమాలో మరోసారి నిజమైంది. చాలా కాలం తర్వాత నా జోనర్‌ని కాకుండా యాక్షన్‌లోకి వెళ్లాను. దీన్ని ప్రేక్షకులు అద్భుతంగా రిసీవ్‌ చేసుకున్నారు. సినిమాని ఆడియన్స్‌తో థియేటర్లో చూశాను. యాక్షన్‌, కామెడీ సీన్స్‌కి మీ చప్పట్లు, విజల్స్‌ మంచి ఉత్సాహాన్ని ఇచ్చాయి. సినిమా రెవెన్యూ చాలా బావుంది. రెండో రోజు కూడా చాలా బలంగా ఉందని చెబుతున్నారు. వెన్నెల కిషోర్‌ కామెడీ, యాక్షన్‌ సీన్స్‌, నా లుక్‌కి చాలా మంచి రెస్పాన్స్‌ వస్తుంది. కృతి శెట్టి, డీవోపీ ప్రసాద్‌ మురెళ్ళ, ఆర్ట్‌ డైరెక్టర్‌ సాహి సురేష్‌.. ఇలా అందరూ ది బెస్ట్‌ వర్క్‌ ఇచ్చారు. సాగర్‌ ఇచ్చిన పాటలు, నేపథ్య సంగీతం సినిమాలో అద్భుతంగా ఉన్నాయి' అని చెప్పారు.
             'తొలిరోజు రూ.10కోట్లు కలెక్ట్‌ చేయడం మామూలు విషయం కాదు. తెలుగు ప్రేక్షకులకు కృతజ్ఞతలు. లాంగ్‌ వీకెండ్‌ కూడా ఉంది. మీ ఫ్యామిలీతో వచ్చి సినిమాని ఎంజారు చేయండి. ఇదొక మంచి ఒక ఫ్యామిలీ ఎంటర్‌ టైనర్‌' అని కథానాయిక కృతి శెట్టి అన్నారు.
             'ఈ సినిమాతో నితిన్‌గారి కెరీర్‌లోనే బిగ్గెస్ట్‌ ఓపెనింగ్‌ ఇచ్చిన ప్రేక్షకులకు కృతజ్ఞతలు. సినిమాని థియేటర్‌లో ప్రేక్షకులు చాలా బాగా ఎంజారు చేస్తున్నారు. కలెక్షన్స్‌ వైజ్‌ కూడా అద్భుతంగా ఉన్నాయి. నాకు సపోర్ట్‌ చేసిన నిర్మాతలకు, టీంకు కృతజ్ఞతలు' అని చిత్ర దర్శకుడు ఎమ్‌.ఎస్‌.రాజ శేఖర్‌ రెడ్డి అన్నారు. ఆర్ట్‌ డైరెక్టర్‌ సాహి సురేష్‌ మాట్లాడుతూ, 'గొప్పగా సపోర్ట్‌ చేసిన నితిన్‌ అన్నకి, నిర్మాతలు సుధాకర్‌రెడ్డి, నిఖితా, దర్శకుడు శేఖర్‌కి, నా టీం కామేష్‌, భార్గవ్‌, జగన్నాథమ్‌, కార్తిక్‌కు థ్యాంక్స్‌' అని చెప్పారు.
             ఫస్ట్‌ డే షేర్స్‌ అద్భుతంగా ఉన్నాయి. ఏపీ, తెలంగాణలో 10 కోట్ల గ్రాస్‌ కలెక్ట్‌ చేసింది. నితిన్‌ కెరీర్‌లోనే ఇది బిగ్గెస్ట్‌ ఓపెనింగ్‌. పాండమిక్‌ తర్వాత ఈ స్థాయిలో ఓపెనింగ్స్‌ రావడం చాలా ఆనందంగా ఉంది. ప్రతి షోకి పాజిటివ్‌ టాక్‌ పెరుగుతూనే ఉంది. మా సినిమాని ఇంత గొప్ప సక్సెస్‌ చేసిన ప్రేక్షకులకు కృతజ్ఞతలు.
- నిర్మాత నిఖితా రెడ్డి