రవితేజ నటిస్తున్న తాజా చిత్రం 'ధమాకా'. ఈ టైటిల్‌ ప్రకటించినప్పటి నుంచే ప్రేక్షకుల్లో ఆసక్తి నెలకొంది.
యాక్షన్‌ ఎంటర్టైనర్‌గా దర్శకుడు త్రినాథ రావు నక్కిన తెరకెక్కిస్తున్న ఈ చిత్రం ఇండిస్టీలో చాలా క్యూరియాసిటీని రేకెత్తించింది.
అలాగే ఇప్పటికే విడుదలైన రవితేజ, శ్రీలీల ఇద్దరి ఫస్ట్‌ లుక్‌లు ఆ ఆసక్తిని మరింత పెంచాయి.
గురువారం ఈ చిత్రంలోని 'జింతాక్‌' లిరికల్‌ వీడియోను చిత్ర యూనిట్‌ విడుదల చేసింది.
మంచి చార్ట్‌బస్టర్‌గా సంగీత దర్శకుడు భీమ్స్‌ సిసిరోలియో ఒక సామూహిక, జానపద-నత్య రీతితో ఈ పాటకు బాణీలు సమకూర్చారు. బీట్స్‌ అన్నీ సరికొత్తగా పెప్సీగా ఉన్నాయి. బాణీలు కంపోజ్‌ చేయడంతో పాటు, భీమ్స్‌ సిసిరోలియో పాటకు గాత్రాన్ని కూడా అందించారు. ఈ రకమైన పాటలకు ప్రైమ్‌ ఛాయిస్‌ అయిన మంగ్లీ కూడా గొంతు కలిపారు. గాయకులు ఇద్దరూ తమదైన హుషారైన గానంతో పాటకు మరింత ఎనర్జీ చేకూర్చారు. రవితేజ, శ్రీలీల మాస్‌ స్టెప్పులు ఈ పాటకు పెద్ద ఆకర్షణగా నిలిచాయి. మాస్‌ ప్రేక్షకులను ఆకట్టుకునే పర్ఫెక్ట్‌ ఫోక్‌ సాంగ్‌ ఇది. విజువల్స్‌ వైబ్రెంట్‌గా ఇచ్చిన సినిమాటోగ్రాఫర్‌ కార్తీక్‌ ఘట్టమనేనికి చిత్ర యూనిట్‌ థ్యాంక్స్‌ తెలిపింది.
నిర్మాత టీజీ విశ్వ ప్రసాద్‌ భారీ స్థాయిలో ఈ చిత్రాన్ని నిర్మిస్తున్నారు. పీపుల్‌ మీడియా ఫ్యాక్టరీ, అభిషేక్‌ అగర్వాల్‌ ఆర్ట్స్‌ పతాకాలపై రూపొందుతున్న ఈ చిత్రానికి వివేక్‌ కూచిభొట్ల సహ నిర్మాత. 'డబుల్‌ ఇంపాక్ట్‌' అనే ట్యాగ్‌లైన్‌తో వస్తున్న ఈ చిత్రంలో ప్రముఖ నటీనటులు, సాంకేతిక నిపుణులు ఈ సినిమాకు పనిచేస్తున్నారు.
ఈ చిత్రానికి దర్శకుడు: త్రినాథరావు నక్కిన, నిర్మాతలు: టీజీ విశ్వ ప్రసాద్‌, సహ నిర్మాత: వివేక్‌ కూచిభొట్ల, కథ, మాటలు: ప్రసన్న కుమార్‌ బెజవాడ, ఫైట్స్‌: రామ్‌-లక్ష్మణ్‌, ప్రొడక్షన్‌ డిజైనర్‌: శ్రీనాగేంద్ర తంగాల.
