విష్ణు మంచు నటిస్తున్న తాజా చిత్రం 'జిన్నా'. ఈ చిత్ర టీజర్‌ను ఈనెల 25న తెలుగు, హిందీ, మలయాళం భాషల్లో విడుదల చేసేందుకు మేకర్స్‌ సన్నాహాలు చేస్తున్నారు.
బాలీవుడ్‌ నాయిక సన్నీలియోన్‌ ఈ చిత్రంలో ఫుల్‌ లెంగ్త్‌ రోల్‌ చేస్తోంది. ఇటీవలే విడుదల చేసిన సన్నీలియోన్‌ ఫస్ట్‌లుక్‌ పోస్టర్‌కు సోషల్‌ మీడియాలో సూపర్‌ రెస్పాన్స్‌ వచ్చింది. సూర్య దర్శకత్వం వహిస్తున్న ఈ చిత్రానికి కథ, స్క్రీన్‌ప్లే కోన వెంకట్‌ అందించారు. ఈ చిత్రంలో హీరో విష్ణు మంచు సరసన సన్నీలియోన్‌, పాయల్‌ రాజ్‌పుత్‌ స్క్రీన్‌ షేర్‌ చేసుకుంటున్నారు. తెలుగు, తమిళం, మలయాళం, హిందీ భాషల్లో రూపొందుతున్న ఈ చిత్రాన్ని అవా ఎంటర్‌టైన్‌మెంట్‌, 24 ఫ్రేమ్స్‌ ఫ్యాక్టరీ సంయుక్తంగా నిర్మిస్తున్నాయి. కమర్షియల్‌ ఎంటర్‌టైనర్‌గా రూపొందుతున్న ఈ సినిమా పై ఇప్పటికే భారీ అంచనాలు నెలకొన్నాయి. ఇన్‌స్టాగ్రామ్‌లో హీరో విష్ణుతో సన్నీ రీల్స్‌... విష్ణు, ఆయన బందంతో సన్నీ ఓ చమత్కారమైన రీల్స్‌ విడుదల చేసి ప్రేక్షకులను ఆకర్షించారు. 'నాటు నాటు' ఫేమ్‌ ప్రేమ్‌ రక్షిత్‌ మాస్టర్‌ ఈ చిత్రానికి కొరియోగ్రాఫర్‌గా వ్యవహరిస్తున్నారు. తన సంగీతంతో తెలుగు ప్రేక్షకులను ఉర్రుతలూగించే అనూప్‌ రూబెన్స్‌ ఈ చిత్రానికి సంగీతం సమకూర్చుతున్నారు. ఛోటా కె నాయుడు సినిమాటోగ్రాఫర్‌గా బాధ్యతలు నెరవేరుస్తున్నారు.