ఫన్ ఫుల్‌ ఎంటర్‌టైన్‌మెంట్స్‌ బ్యానర్‌ పై అజరు, వీర్తి వఘాని హీరో హీరోయిన్లుగా, హనుమాన్‌ వాసంశెట్టి దర్శకత్వంలో మురళీధర్‌ రెడ్డి ముక్కర నిర్మిస్తున్న యూత్‌ ఫుల్‌ ఎంటర్‌టైనర్‌ 'కొత్త కొత్తగా'.
ఆనంద్‌ (సీనియర్‌ హీరో), తులసి, కాశీవిశ్వనాథ్‌, కల్యాణి నటరాజన్‌ ప్రధాన తారాగణంగా తెరకెక్కిన ఈ చిత్రాన్ని బి.జి.గోవిందరాజు సమర్పిస్తున్నారు. ఈ చిత్రం సెప్టెంబర్‌ 9న ప్రేక్షకుల ముందుకు రాబోతుంది.
'న్యూ ఏజ్‌ లవ్‌ స్టొరీగా రూపొందిన ఈ చిత్రానికి సంబంధించిన ఫస్ట్‌లుక్‌, పాటలకు మంచి రెస్పాన్స్‌ వచ్చింది. తాజాగా ఈ చిత్రం ట్రైలర్‌ ని విడుదల చేశారు. రెండు నిమిషాల 30 సెకన్లు నిడివి గల ఈ ట్రైలర్‌ ఆద్యంతం ఆకట్టుకుంది. యూత్‌ ఫుల్‌ ఎలిమెంట్స్‌, డిఫరెంట్‌ లవ్‌ స్టొరీ, ఫ్యామిలీ ఎమోషన్స్‌తో కూడిన ఈ ట్రైలర్‌ టైటిల్‌కి తగ్గట్టే 'కొత్త కొత్తగా' ఉంది.
సరదా ఫ్యామిలీ, కాలేజ్‌ ఎంటర్‌టైమెంట్‌తో మొదలై చివర్లో సీరియస్‌ డ్రామాగా మలుపు తీసుకోవడం కథపై మరింత ఆసక్తిని పెంచింది. అజరు, వీర్తి వఘాని తమ నటనతో ఆకట్టుకున్నారు. కాశీ విశ్వనాథ్‌, తులసి, కల్యాణి నటరాజన్‌ పాత్రలు కీలకంగా ఉన్నాయి. సాంకేతికంగా ట్రైలర్‌ ఉన్నతంగా ఉంది. ట్రైలర్‌కు శేఖర్‌ చంద్ర అందించిన నేపథ్య సంగీతం ఆకట్టుకుంది. సిద్‌ శ్రీరామ్‌ పాడిన 'ఆకాశం నా కోసం..' పాట నేపథ్యమూ అద్భుతంగా ఉంది. వెంకట్‌ కెమెరా పనితనం డీసెంట్‌గా ఉంది. మొత్తానికి ఈ ట్రైలర్‌ సినిమాపై మరిన్ని అంచనాలని పెంచింది. ఈ చిత్రానికి ప్రవీణ్‌ పూడి ఎడిటర్‌గా, సురేష్‌ భీమగాని ఆర్ట్‌ డైరెక్టర్‌గా పని చేస్తున్నారు' అని చిత్ర బృందం పేర్కొంది.
అజరు , వీర్తి వఘాని, ఆనంద్‌ (సీనియర్‌ హీరో), కాశీ విశ్వనాధ్‌ ,తులసి, కల్యాణి నటరాజన్‌, పవన్‌ తేజ్‌, ఈరోజుల్లో సాయి తదితరులు నటిస్తున్న ఈ చిత్రానికి దర్శకత్వం: హనుమాన్‌ వాసంశెట్టి, నిర్మాత: మురళీధర్‌ రెడ్డి ముక్కర, సమర్పకులు: బి జి గోవింద రాజు, సంగీత దర్శకుడు: శేఖర్‌ చంద్ర, ఎడిటర్‌: ప్రవీణ్‌ పూడి, కెమెరా- వెంకట్‌, ఫైట్‌ మాస్టర్‌: పధ్వీ శేఖర్‌, ఆర్ట్‌ డైరెక్టర్‌: సురేష్‌ భీమగాని.
