శర్వానంద్‌ 30వ సినిమాగా తెరకెక్కుతున్న ప్రతిష్టాత్మక చిత్రం 'ఒకే ఒక జీవితం'.నూతన దర్శకుడు శ్రీ కార్తీక్‌ ఈ చిత్రానికి దర్శకత్వం వహిస్తున్నారు. విభిన్నమైన కథాంశాలతో ప్రేక్షకులను అలరించే ప్రముఖ నిర్మాణ సంస్థ డ్రీమ్‌ వారియర్‌ పిక్చర్స్‌ ఈ చిత్రంతో తెలుగునాట అడుగుపెడుతోంది.
ఎస్‌ఆర్‌ ప్రకాష్‌ బాబు, ఎస్‌ఆర్‌ ప్రభు సంయుక్తంగా నిర్మిస్తున్న ఈ సినిమా సెప్టెంబర్‌ 9న థియేటర్లలో విడుదల కానుంది.మ్యూజికల్‌ ప్రమోషన్స్‌లో భాగంగా ఇటివలే విడుదలైన 'ఒకటే కదా' పాట సూపర్‌ హిట్‌ అయ్యింది. అన్నీ మ్యూజిక్ ఫ్లాట్‌ఫార్మ్స్‌ పై ట్రెండింగ్‌లో నిలిచింది. తాజాగా ఈ చిత్రం నుండి 'మారిపోయే' అనే పాటని విడుదల చేశారు. ఈ పాట ప్రత్యేకత ఏమిటంటే స్టార్‌ హీరో కార్తీ స్పెషల్‌ ఎప్పిరియన్స్‌లో కనిపించి, 'నేనే పాడుతున్నా' అంటూ తనదైన శైలిలో అభిమానులను, ప్రేక్షకులను కార్తీ మెస్మరైజ్‌ చేశారు.
జేక్స్‌ బిజోరు ఈ పాట కోసం ట్రెండీ క్యాచి ట్యూన్‌ని కంపోజ్‌ చేయగా, పాటకు కష్ణచైతన్య అందించిన సాహిత్యం ఆకట్టుకుంది. ముఖ్యంగా కార్తీ ఈ పాటని ఎనర్జిటిక్‌గా పాడిన విధానం ఆకట్టుకుంటోంది. ఈ సినిమా విడుదలకు ముందు సర్‌ప్రైజ్‌లు ఉంటానని చిత్ర యూనిట్‌ గతంలో చెప్పినట్లే కార్తీ పాటతో బిగ్‌సర్‌ ప్రైజ్‌ ఇచ్చింది.
ఇప్పటికే విడుదలైన ఈ సినిమా టీజర్‌కి అద్భుతమైన స్పందన లభించింది. 'అమ్మ పాట', 'ఒకటే కదా' పాటలు ట్రెండింగ్‌లో ఉండగా, ఇప్పుడు విడుదలైన కార్తీ ప్రమోషనల్‌ సాంగ్‌ మరింత జోష్‌నిచ్చింది. తెలుగు, తమిళ ద్విభాషా చిత్రంగా తెరకెక్కిన ఈ మూవీకి తరుణ్‌ భాస్కర్‌ డైలాగ్స్‌ అందిస్తున్నారు. ఈ చిత్రం తమిళంలో 'కణం' పేరుతో ఏకకాలంలో విడుదల కానుంది.
శర్వానంద్‌, రీతూ వర్మ, అమల అక్కినేని, వెన్నెల కిషోర్‌, ప్రియదర్శి, నాజర్‌ తదితరులు నటిస్తున్న ఈ చిత్రానికి రచన, దర్శకత్వం: శ్రీ కార్తీక్‌, నిర్మాతలు: ఎస్‌ఆర్‌ ప్రకాష్‌ బాబు, ఎస్‌ఆర్‌ ప్రభు, డైలాగ్స్‌: తరుణ్‌ భాస్కర్‌, డీవోపీ: సుజిత్‌ సారంగ్‌,
సంగీతం: జేక్స్‌ బిజోరు, ఎడిటర్‌: శ్రీజిత్‌ సారంగ్‌, ఆర్ట్‌ డైరెక్టర్‌: ఎన్‌.సతీష్‌ కుమార్‌, స్టంట్స్‌: సుదేష్‌ కుమార్‌, స్టైలిస్ట్‌: పల్లవి సింగ్‌, లిరిక్స్‌ : సిరివెన్నెల సీతారామశాస్త్రి, కష్ణకాంత్‌, కష్ణచైతన్య.
