అల్లం శ్రీతన్మయి సమర్పణలో ఎయిమ్స్‌ మోషన్‌ పిక్చర్స్‌ నిర్మిస్తున్న చిత్రం 'జైత్ర'. సన్నీ నవీన్‌, రోహిణి రేచల్‌ హీరో, హీరోయిన్లుగా నటిస్తున్నారు. తోట మల్లికార్జున దర్శకుడిగా పరిచయం అవుతున్న ఈ చిత్రానికి అల్లం సుభాష్‌ నిర్మాత. చిత్రీకరణ పూర్తయ్యింది. ఇటీవల విడుదలైన ఈ చిత్ర టీజర్‌కు మంచి రెస్పాన్స్‌ లభించింది. ఈ సినిమా మట్టితో చుట్టరికం చేసే ఒక రైతు కథను అందంగా, రాయలసీమ స్లాంగ్‌లో, నేటివిటీతో తెరకెక్కించారు. తాజాగా ఈ సినిమా నుండి సెకండ్‌ లిరికల్‌ వీడియో సాంగ్‌ 'అదర.. నా గుండెలదర..'ను బైరెడ్డి సిద్ధార్థ్‌ రెడ్డి విడుదల చేశారు. ఈ సందర్భంగా ఆయన మాట్లాడుతూ,' రాయల సీమ నేపథ్యంలో ఎన్నో ఫ్యాక్షన్‌ సినిమాలు చూశాం. మొదటిసారి ఒక రైతు కథతో చాలా సహజంగా మంచి స్లాంగ్‌తో రాబోతున్న సినిమా ఇది. ఈ మూవీ సాంగ్స్‌, టీజర్‌ బాగున్నాయి. సినిమా విజయం సాధించాలని కోరుకుంటున్నాను' అని అన్నారు.వంశీ నెక్కంటి, సునీత మనోహర్‌ తదితరులు నటిస్తున్న ఈ చిత్రానికి కెమెరా: మోహన్‌ చారి, పాటలు : కిట్టు విస్సా ప్రగడ, సంగీతం : ఫణికళ్యాణ్‌, ఎడిటర్‌: విప్లవ్‌ నైషదం, దర్శకత్వం : తోట మల్లిఖార్జున్‌, నిర్మాత: అల్లం సుభాష్‌.
