హీరో కార్తీక్‌ రాజు ప్రధాన పాత్రలో పెగ్గో ఎంటర్‌టైన్‌మెంట్స్‌ బ్యానర్‌పై తెరకెక్కుతున్న కొత్త సినిమా 'అధర్వ'. క్రైమ్‌ థ్రిల్లర్‌ మూవీగా డిఫరెంట్‌ కాన్సెప్ట్‌ని టచ్‌ చేస్తూ రాబోతున్న ఈ సినిమాకు మహేష్‌ రెడ్డి దర్శకత్వం వహిస్తుండగా, సుభాష్‌ నూతలపాటి నిర్మాణ బాధ్యతలు చేపట్టారు. నూతలపాటి నరసింహం, అనసూయమ్మ సమర్పణలో తెలుగు, తమిళ, కన్నడ, మలయాళ భాషల్లో ఏకకాలంలో ఈ సినిమాను ఎంతో గ్రాండ్‌గా రూపొందిస్తున్నారు. విజయ, ఝాన్సీ ఎగ్జిక్యూటివ్‌ ప్రొడ్యూసర్స్‌గా వ్యవహరిస్తున్నారు.
ఈ నేపథ్యంలో తాజాగా అగ్ర కథానాయకుడు రవితేజ ఈ చిత్ర తెలుగు టైటిల్‌ లోగో, మోషన్‌ పోస్టర్‌ను విడుదల చేశారు. నేను నమ్మిన సత్యం, వెతికే లక్ష్యం, దొరకాల్సిన సాక్ష్యం చేధించేవరకు ఈ కేసును వదిలిపెట్టను సార్‌.. అంటూ హీరో చెబుతున్న డైలాగ్స్‌ ఈ మోషన్‌ పోస్టర్‌లో హైలైట్‌ అయ్యాయి. బ్యాక్‌ గ్రౌండ్‌ స్కోర్‌ మేజర్‌ ఎట్రాక్షన్‌గా నిలిచింది. అతి చిన్న వీడియోతోనే సినిమాపై ఆసక్తి పెంచేశారు మేకర్స్‌.
ది సీకర్‌ ఆఫ్‌ ది ట్రూత్‌ అనే ట్యాగ్‌ లైన్‌తో ఈ సినిమాను ప్రేక్షకుల ముందుకు తీసుకొస్తున్నారు. ఇప్పటివరకు వచ్చిన క్రైమ్‌ థ్రిల్లర్‌ సినిమాలతో పోల్చితే ఈ సినిమా డిఫరెంట్‌ అనుభూతి కలిగిస్తుందని తాజాగా రిలీజ్‌ చేసిన మోషన్‌ పోస్టర్‌ స్పష్టం చేస్తోంది. అదేవిధంగా 'డీజే టిల్లు, మేజర్‌' లాంటి సినిమాలకు మ్యూజిక్ అందించిన శ్రీచరణ్‌ పాకాల ఈ సినిమాకు బాణీలు కట్టడం విశేషం. ఆయన మ్యూజిక్ సినిమాకు మేజర్‌ అసెట్‌ అంటున్నారు మేకర్స్‌.
సిమ్రాన్‌ చౌదరి, ఐరా, అరవింద్‌ కష్ణ, కబీర్‌ సింగ్‌ దుహాన్‌, కల్పిక గణేష్‌, గగన్‌ విహారి, రామ్‌ మిట్టకంటి, కిరణ్‌ మచ్చ, మరిముత్తు, ఆనంద్‌, విజయరామరాజు తదితరులు ముఖ్యపాత్రలు పోషించిన ఈ చిత్రానికి రైటర్‌, డైరెక్టర్‌: మహేష్‌ రెడ్డి,
డీవోపీ: చరణ్‌ మాధవనేని, ఎడిటింగ్‌: ఎస్‌.పి. ఉద్ధవ్‌, ఆర్ట్‌: రామ్‌ కుమార్‌, లిరిక్స్‌: కాసర్ల శ్యామ్‌, కిట్టు విస్సప్రగడ.
