కోలీవుడ్‌ స్టార్‌ శివకార్తికేయన్‌ కథానాయకుడిగా, అనుదీప్‌ కెవి దర్శకత్వంలో తెలుగు, తమిళ భాషలలో ఏకకాలంలో తెరకెక్కుతున్న ఎంటర్‌టైనర్‌ 'ప్రిన్స్‌'. శివకార్తికేయన్‌ సరసన మారియా ర్యాబోషప్క కథానాయికగా నటిస్తున్న ఈ చిత్రం ఇండియాలోని పాండిచ్చేరి, లండన్‌ నేపథ్యంలో రూపొందుతోంది.
ఈ చిత్ర మ్యూజికల్‌ ప్రమోషన్‌లను సెప్టెంబర్‌1 నుండి ప్రారంభించనున్నట్లు ప్రకటించిన నిర్మాతలు అదే రోజు ఈ చిత్ర ఫస్ట్‌ సింగిల్‌ను లాంచ్‌ చేస్తున్నట్లు తెలిపారు.
ఈ సందర్భంగా విడుదల చేసిన పోస్టర్‌లో లీడ్‌ పెయిర్‌ వండర్‌ ఫుల్‌ కెమిస్ట్రీతో ఆకట్టుకున్నారు. ఇద్దరూ ఎల్లో డ్రస్‌లో వైబ్రెంట్‌గా కనిపించారు. ఎస్‌ ఎస్‌. తమన్‌ ఈ చిత్రానికి సంగీతం అందిస్తున్నారు.
నారాయణ్‌ దాస్‌ నారంగ్‌ ఆశీస్సులతో సునీల్‌ నారంగ్‌, డి.సురేష్‌ బాబు, పుస్కుర్‌ రామ్‌ మోహన్‌ రావు శ్రీ వెంకటేశ్వర సినిమాస్‌ ఎల్‌ ఎల్‌ పి, సురేష్‌ ప్రొడక్షన్స్‌, శాంతి టాకీస్‌ బ్యానర్లపై ఈ చిత్రాన్ని నిర్మిస్తున్నారు. సోనాలి నారంగ్‌ ఈ చిత్రాన్ని సమర్పిస్తున్నారు.
శివకార్తికేయన్‌, మరియా ర్యాబోషప్క, సత్యరాజ్‌ తదితరులు నటిస్తున్న ఈ చిత్రానికి రచన, దర్శకత్వం: అనుదీప్‌ కె.వి, సంగీతం: ఎస్‌.ఎస్‌.తమన్‌, నిర్మాతలు: సునీల్‌ నారంగ్‌, డి.సురేష్‌ బాబు, పుస్కుర్‌ రామ్‌ మోహన్‌రావు, సమర్పణ: సోనాలి నారంగ్‌, డీవోపీ: మనోజ్‌ పరమహంస, సహ నిర్మాత: అరుణ్‌ విశ్వ, ఎడిటర్‌: ప్రవీణ్‌ కెఎల్‌, ఆర్ట్‌ : నారాయణ రెడ్డి.
