బిగ్‌ బాస్‌ తరువాత సోహైల్‌ హీరోగా నటిస్తున్న చిత్రం 'లక్కీ లక్ష్మణ్‌'. దత్తాత్రేయ మీడియా పతాకంపై మోక్ష నాయికగా ఎ.ఆర్‌.అభి దర్శకత్వంలో హరిత గోగినేని ఈ చిత్రాన్ని నిర్మించారు.
అన్ని కార్యక్రమాలు పూర్తి చేసి, త్వరలోనే సినిమాని విడుదల చేయడానికి సన్నా హాలు చేస్తున్నారు. ఈ సందర్బంగా ఈ సినిమాలోని 'ఓ మేరీ జాన్‌ మనసే నువ్వే కావాలన్నదే..' లిరికల్‌ సాంగ్‌కు సంబంధించిన ప్రోమోను మేకర్స్‌ విడుదల చేశారు.'ఓ మేరీ జాన్‌ మనసే నువ్వే కావాలన్నదే..ఓ మేరీ జాన్‌ వెనకే నీతో వస్తూ.. ఉన్నదే..ఓ మేరీ జాన్‌ నిన్నే.. వదిలి వదిలి ఉండ నన్నదే..' అంటూ సాగే లవ్‌ సాంగ్‌ చాలా క్లాసీగా, ఇంట్రెస్ట్‌గా ఉంది. హీరో సోహైల్‌ డ్యాన్స్‌ చూస్తుంటే చూడముచ్చటగా ఉంది. ఈ పాటను భాస్కరపట్ల రాశారు. సింగర్‌ అనురాగ్‌ కులకర్ణి చక్కగా ఆలపించారు. ఈ పాటకు విశాల్‌ అందించిన కొరియోగ్రఫీ అద్భుతంగా ఉంది. డి ఓ పి ఆండ్రు చక్కటి విజువల్స్‌ ఇచ్చారు. టాలెంటెడ్‌ మ్యూజిక్ డైరెక్టర్‌ అనూప్‌ రూబెన్స్‌ పాటలకు ప్రేక్షకుల్లో మంచి క్రేజ్‌ ఉంది. ఆయన నుంచి వస్తున్న మరో క్రేజీ సాంగ్‌ ఇది. ఈ ప్రోమో సాంగ్‌ విడుదలైన కొద్ది గంటల్లోనే ప్రేక్షకులనుండి హ్యుజ్‌ రెస్పాన్స్‌ వస్తోంది. ఫుల్‌ సాంగ్‌ను సెప్టెంబర్‌ 3వ తేదీ ఉదయం 9:33 గంటలకు విడుదల చేస్తున్నారు. అలాగే ఈ చిత్రంలోని పాటలన్నీ కూడా ఆడియెన్స్‌ను మెస్మరైజ్‌ చేస్తాయి.
ఈ సందర్బంగా చిత్ర నిర్మాత హరిత గోగినేని మాట్లాడుతూ, 'ఇంతకుముందు మా చిత్రం నుండి విడుదలైన ''అదష్టం హలో అంది రో చందమామ'' టైటిల్‌ లిరికల్‌ వీడియో సాంగ్‌కు, సాంగ్‌ ప్రోమోకు ఇంత మంచి రెస్పాన్స్‌ ఇచ్చిన ప్రేక్షకులకు ధన్యవాదాలు. చుట్టూ ఉన్న వారంతా నువ్వు లక్కీఫెలో అంటున్నా.. తాను మాత్రం ఎప్పటికీ అన్‌లక్కీఫెలోనే అని ఫీలయ్యే ఓ యువకుడి జీవితంలో జరిగిన అనేక ఆసక్తికర పరిణామాలతో అవుట్‌ అండ్‌ అవుట్‌ ఫ్యామిలీ ఎంటర్‌టైనర్‌గా రూపొందిన చిత్రమిది. ఈచిత్రంలోని పాటలు టిప్స్‌ ఆడియో ద్వారా విడుదలయ్యాయి.
