అనిక సురేంద్రన్‌, అర్జున్ దాస్‌, సూర్య వశిష్ట నాయిక, నాయకులుగా సితార ఎంటర్‌ టైన్‌ మెంట్స్‌, ఫార్చ్యూన్‌ ఫోర్‌ సినిమాస్‌ సంయుక్తంగా ఓ చిత్రాన్ని నిర్మిస్తున్నాయి. ఈ చిత్రానికి 'బుట్ట బొమ్మ' అనే టైటిల్‌ని ఖరారు చేస్తూ వినాయకచవితి పర్వదినాన చిత్ర ఫస్ట్‌లుక్‌ని విడుదల చేశారు. నాగవంశీ ఎస్‌. - సాయి సౌజన్య ఈ చిత్రానికి నిర్మాతలు. శౌరి చంద్రశేఖర్‌ రమేష్‌ దర్శకుడుగా పరిచయం అవుతున్నారు.
ఈ సందర్భంగా చిత్ర దర్శకుడు శౌరి చంద్రశేఖర్‌ రమేష్‌ మాట్లాడుతూ, 'బుట్ట బొమ్మ'గా అనిక సురేంద్రన్‌, అలాగే అర్జున్ దాస్‌, సూర్య వశిష్టల పాత్రలు గ్రామీణ నేపథ్యంలో సాగే ఈ ప్రేమ కథలో సహజంగా సాగుతూ ఆకట్టుకుంటాయి. గుర్తుండి పోతాయి. ప్రేమలోని పలు సున్నితమైన పార్శ్వాలను స్పశిస్తూ చిత్ర కథ, కథనాలు ఉంటాయి' అని తెలిపారు.
సంభాషణల రచయితగా 'వరుడు కావలెను' చిత్రంతో మంచి గుర్తింపు తెచ్చుకున్న గణేష్‌ కుమార్‌ రావూరి ఈ చిత్రానికి మాటలు అందిస్తున్నారు.
సెప్టెంబర్‌ నెలలో జరిగే చిత్రీకరణతో చిత్ర నిర్మాణం పూర్తవుతుంది. నవంబర్‌ నెలలో చిత్రం విడుదల చేస్తామని, చిత్రానికి సంబంధించిన మరిన్ని విశేషాలు ఒక్కొక్కటిగా తెలియ పరుస్తామని నిర్మాతలు చెప్పారు.
నవ్య స్వామి, నర్రాశ్రీను, పమ్మి సాయి, కార్తీక్‌ ప్రసాద్‌, వాసు ఇంటూరి,ప్రేమ్‌ సాగర్‌, మిర్చి కిరణ్‌, కంచెర్ల పాలెం కిషోర్‌, మధుమణి తదితరులు ఇతర ప్రధాన పాత్రధారులు పోషిస్తున్న ఈ చిత్రానికి ఛాయాగ్రహణం: వంశీ పచ్చి పులుసు, సంగీతం: గోపిసుందర్‌, పాటలు: శ్రీమణి, ఎస్‌. భరద్వాజ్‌ పాత్రుడు,
ఎడిటర్‌: నవీన్‌ నూలి, పోరాటాలు : డ్రాగన్‌ ప్రకాష్‌, ప్రొడక్షన్‌ డిజైనర్‌: వివేక్‌ అన్నామలై, ప్రొడక్షన్‌ కంట్రోలర్‌: సి హెచ్‌. రామకష్ణా రెడ్డి, నిర్మాతలు: నాగవంశీ ఎస్‌. - సాయి సౌజన్య, దర్శకత్వం: శౌరి చంద్రశేఖర్‌ రమేష్‌.
