కన్నడ స్టార్‌ హీరో కిచ్చా సుదీప్‌, శివ కార్తిక్‌ కాంబినేషన్‌లో రూపొందిన భారీ చిత్రం 'కే3 కోటికొక్కడు'.
గుడ్‌ సినిమా గ్రూప్‌ బ్యానర్‌ పై శ్రేయాస్‌ శ్రీనివాస్‌, దేవేంద్ర డీకే సంయుక్తంగా నిర్మించిన ఈ చిత్రం ఇప్పటికే కన్నడలో విడుదలై బ్లాక్‌ బస్టర్‌ విజయాన్ని అందుకుంది.
దాదాపు 60 కోట్ల పైన వసూళ్ళు సాధించింది. సుదీప్‌ కెరీర్‌లోనే అత్యధిక వసూళ్లు సాధించిన చిత్రంగా రికార్డు సష్టించిన ఈ చిత్రాన్ని తెలుగులో కూడా భారీగా విడుదల చేస్తున్నారు నిర్మాతలు. మాస్‌, యాక్షన్‌ ఎంటర్టైనర్‌గా రూపొందిన ఈ చిత్రాన్ని ఈనెల 16న రిలీజ్‌ చేయబోతున్నారు. తాజాగా ఈ చిత్ర ఆడియోని లాంచ్‌ చేశారు.
ఈ సందర్భంగా నిర్మాత శ్రేయాస్‌ శ్రీనివాస్‌ మాట్లాడుతూ, 'ఈ సినిమాని విడుదల చేస్తున్న డిస్ట్రిబ్యూటర్స్‌కి కతజ్ఞతలు. నైజం, వైజాగ్‌- దిల్‌ రాజు, సీడెడ్‌ -ఎన్వీ ప్రసాద్‌, ఈస్ట్‌ వెస్ట్‌, కష్ణ- గీత ఆర్ట్స్‌, గుంటూరు- యువీ క్రియేషన్స్‌, నెల్లూరు -హరి పిక్చర్స్‌ విడుదల చేయడం ఆనందంగా ఉంది. గత ఏడాది అక్టోబర్‌ కన్నడలో విడుదలైన ఈ సినిమా పెద్ద విజయం సాధించింది. సుదీప్‌ 'విక్రాంత్‌ రోణ' సినిమా పాన్‌ ఇండియా క్రేజ్‌ సంపాదించుకుంది. 'కే3 కోటికొక్కడు' కూడా ఘన విజయం సాధిస్తుందనే నమ్మకం ఉంది. ఈ చిత్రంలో అన్నీ వర్గాల ప్రేక్షకులని అలరించే కంటెంట్‌ ఉంది. డెబ్బై శాతం సినిమాని ఫారిన్‌లో చిత్రీకరించారు. సినిమా గ్రాండ్‌గా ఉంటుంది. ఈ సినిమాలో నాలుగు పాటలు అద్భుతంగా వచ్చాయి. అందరూ తెలుగు గాయకులతో పాడించాం. సింహ, గీతా మాధురి, లిప్సిక, సత్యమణి, సాయి చరణ్‌ పాడారు. ఈనెల 13 న జరిగే ప్రీరిలీజ్‌ ఈవెంట్‌కి సుదీప్‌ గారు వస్తున్నారు. ఈవెంట్‌ని గ్రాండ్‌గా ప్లాన్‌ చేస్తున్నాం. ఈ చిత్రానికి ప్రేక్షకులు సపోర్ట్‌ చేయాలి' అని అన్నారు.
'కన్నడలో ఈ చిత్రం ఘన విజయం సాధించింది. సుదీప్‌ గారి సినిమాలన్నీ ఇక్కడ చూస్తాం. ఈ సినిమా అందరికీ ఖచ్చితంగా నచ్చుతుంది. సినిమాని చాలా గ్రాండ్‌గా తీశారు. తెలుగులో కూడా ఈ సినిమా ఘన విజయం సాధిస్తుంది' అని మరో నిర్మాత సాయి కష్ణ చెప్పారు.
