యాక్షన్‌ ఎంటర్‌ టైనర్స్‌ను ఇన్‌స్పైర్‌ చేసేలా సౌత్‌ స్టార్‌ సూర్య కొత్త సినిమా 'సూర్య 42' మోషన్‌ పోస్టర్‌ వచ్చేసింది. కేఈ జ్ఞానవేల్‌ రాజా సమర్పణలో ప్రతిష్టాత్మక నిర్మాణ సంస్థ యూవీ క్రియేషన్స్‌ పతాకంపై వంశీ, ప్రమోద్‌ ఈ చిత్రాన్ని నిర్మిస్తున్నారు. ఈ భారీ ప్రాజెక్ట్‌కు శివ దర్శకత్వం వహిస్తున్నారు. మోషన్‌ పోస్టర్‌లోని గ్రాండియర్‌ చూస్తుంటే ఇండియన్‌ స్క్రీన్‌ మీద ఇదొక ప్రెస్టేజియస్‌ ప్రాజెక్ట్‌గా రానుందని తెలుస్తోంది. సూర్య లుక్‌, అద్భుమైన మూవీ డిజైనింగ్‌, అన్‌ కాంప్రమైజ్డ్‌ మేకింగ్‌తో సూర్య 42 ఫరెవర్‌ స్పెషల్‌ మూవీ కాబోతోంది.
'చిత్ర నిర్మాణంలో కేఈ జ్ఞానవేల్‌ రాజా, యూవీ క్రియేషన్స్‌ అభిరుచిని ఎన్నో సూపర్‌ హిట్‌ చిత్రాలు చాటాయి. ఆగస్టు 8న ప్రారంభమైన ఈ సినిమా అదే రోజు రెగ్యులర్‌ చిత్రీకరణ ప్రారంభించుకుంది. ఈ చిత్రాన్ని 10 భాషల్లో ప్రేక్షకుల ముందుకు తీసుకొచ్చేందుకు మేకర్స్‌ ప్లాన్‌ చేస్తున్నారు. దిశా పటానీ నాయికగా నటిస్తున్న ఈ చిత్రంలో యోగిబాబు, రెడిన్‌ కింగ్స్లే, కోవై సరళ తదితరులు ఇతర పాత్రలు పోషిస్తున్నారు. దేవిశ్రీ ప్రసాద్‌ సంగీతాన్ని అందిస్తున్నారు. సూర్య అభిమానులకు 2022 బెస్ట్‌ ఇయర్‌గా నిలిచిపోతుంది. ఆయనకు జాతీయ ఉత్తమ నటుడిగా 'సురారై పొట్రు'కు అవార్డ్‌ దక్కడం, ఆస్కార్‌ జ్యూరీలో మెంబర్‌ గా సెలెక్ట్‌ అవడం, 'విక్రమ్‌'లో రోలెక్స్‌ గా మెరవడం..ఇవన్నీ ఫ్యాన్స్‌ను ఖుషి చేశాయి. ఇప్పుడీ భారీ యాక్షన్‌ ఎంటర్‌టైనర్‌తో అభిమానుల ఉత్సాహం రెట్టింపు అయ్యింది. ఈ సినిమా రిలీజ్‌ డేట్‌ను త్వరలోనే ఎనౌన్స్‌ చేయనున్నారు' అని చిత్ర యూనిట్‌ తెలిపింది. ఈ చిత్రానికి సినిమాటోగ్రఫీ - వెట్రి పళనిసామి, ఆర్ట్‌ - మిలన్‌, ఎడిటర్‌ - నిషాద్‌ యూసుఫ్‌, స్టంట్స్‌ - సుప్రీం సుందర్‌, మాటలు - మదన్‌ కార్కీ, కొరియోగ్రఫీ - శోభి, నిర్మాతలు - కేఈ జ్ఞానవేల్‌ రాజా, వంశీ, ప్రమోద్‌, దర్శకత్వం - శివ.
