హీరో అల్లరి నరేష్‌, దర్శకుడు విజరు కనకమేడల సక్సెస్‌ఫుల్‌ కాంబినేషన్‌లో వసున్న రెండో చిత్రం 'ఉగ్రం'. ఈ సినిమా విభిన్న కథ, కథనంతో ప్రేక్షకులను ఆకట్టు కోనుంది.
ఫస్ట్‌ లుక్‌, టైటిల్‌ సూచించినట్లుగా అల్లరి నరేష్‌ ఈ సినిమాలో ఫెరోషియస్‌ పాత్రలో కనిపించ నున్నారు. ఈ సినిమా రెగ్యులర్‌ షూటింగ్‌ ప్రారంభమైనట్టు ఒక గింప్స్‌ వీడియోతో ప్రకటించారు. ముఖానికి నల్లటి మాస్క్‌లా రంగు, అల్లరి నరేష్‌ క్లోజ్‌అప్‌లో కళ్ళని అటు ఇటు తిప్పి, దేనికోసమో వెతకడం, ఒక చోట చూపు నిలపడం, కళ్ళు ఎర్రగా మారడం.. ఇలా చాలా టెర్రిఫిక్‌గా ఉందీ గింప్స్‌ వీడియో. వీడియోలో వినిపించిన నేపథ్య సంగీతం కూడా ఎమోషన్‌ని మరింత ఎలివేట్‌ చేసింది. టైటిల్‌కి తగ్గట్టుగా ఈ గ్లింప్స్‌ వీడియో అల్లరి నరేష్‌ పాత్ర ఉగ్రరూపాన్ని తెలియజేస్తుంది.
'కష్ణార్జున యుద్ధం, మజిలీ, గాలి సంపత్‌, టక్‌ జగదీష్‌' వంటి పలు ఆసక్తికరమైన ప్రాజెక్టులను నిర్మించిన నిర్మాతలు సాహు గారపాటి, హరీష్‌ పెద్ది షైన్‌ స్క్రీన్స్‌ బ్యానర్‌పై ప్రొడక్షన్‌ నెం5గా ఈ చిత్రాన్ని నిర్మిస్తున్నారు.
ఈ సినిమాలో మిర్నా కథా నాయికగా నటిస్తుంది. కొంతమంది ప్రముఖ నటీనటులు ఈ చిత్రంలో ముఖ్యమైన పాత్రలను పోషించనున్నారు. 'నాంది' చిత్రానికి పనిచేసిన టెక్నికల్‌ టీం దాదాపుగా ఈ సినిమాలోనూ భాగమయ్యారు.
'అల్లరినరేష్‌, దర్శకుడు విజరు కాంబినేషన్‌లో వచ్చిన 'నాంది' సినిమా పెద్ద విజయం సాధించింది. దీంతో ఈ సినిమాపై కూడా అందరిలోనూ భారీ అంచనాలు ఉన్నాయి. ఆ అంచనాలకు తగ్గట్టుగా ఈ సినిమా ఉంటుందనే దీమాని మేకర్స్‌ వ్యక్తం చేస్తున్నారు. అయితే ఫస్ట్‌లుక్‌లో అల్లరి నరేష్‌ ఉగ్ర రూపం దేనికి దాల్చాడో అనే ఆసక్తిని రేకెత్తించడంలో దర్శకుడు విజరు కనకమేడల సక్సెస్‌ అయ్యారని సోషల్‌ మీడియా వేదికగా ప్రశంసల వర్షం కురవడం విశేషంగా భావిస్తున్నాం' అని చిత్ర బృందం తెలిపింది. ఈ చిత్రానికి తూము వెంకట్‌ కథ అందించగా, అబ్బూరి రవి మాటలు రాస్తున్నారు. శ్రీచరణ్‌ పాకాల సంగీతం అందిస్తుండగా, సిద్‌ సినిమాటోగ్రఫీ అందిస్తున్నారు. ఛోటా కె ప్రసాద్‌ ఎడిటర్‌గా పని చేస్తున్న ఈ చిత్రానికి బ్రహ్మ కడలి ప్రొడక్షన్‌ డిజైనర్‌. ఈ చిత్రానికి సంబంధించిన ఇతర నటీనటులు వివరాలు త్వరలోనే తెలియజేస్తారు.
