ఛార్మితో 'మంత్ర', అనుపమ పరమేశ్వరన్‌తో 'బటర్‌ ఫ్లై' చిత్రాలు తీసి ఎంతో మంచిపేరు తెచ్చుకున్న జెన్‌ నెక్స్ట్‌ మూవీస్‌ బ్యానర్‌ పై నిహాల్‌ కోదాటి, ద్రిషిక చందర్‌, మధు నందన్‌, భార్గవ్‌ పోలుదాస్‌, సమర్ద్‌, దేవి నాగవల్లి, మెహర్‌ నటీనటులుగా రూపొందుతున్న చిత్రం 'ఏ బ్యూటిఫుల్‌ గర్ల్‌ '.
రవి ప్రకాష్‌ బోడపాటి రచన-దర్శకత్వంలో, ప్రసాద్‌ తిరువల్లూరి, పుష్యమి ధవళేశ్వరపు సంయుక్తంగా నిర్మిస్తున్న చిత్రమిది. అనిల్‌, క్రాంతి జువ్వల సహ నిర్మాతలు. మోహన్‌ దాస్‌ ఎగ్జిక్యూటివ్‌ ప్రొడ్యూసర్‌.
ఈ సినిమా గ్రాండ్‌గా విడుదలకు సిద్ధమైన సందర్భంగా నిర్మాత ప్రసాద్‌ తిరువల్లూరి మాట్లాడుతూ, '2007లో 'మంత్ర' వంటి బ్లాక్‌ బస్టర్‌ సినిమా తీసిన రచయిత, నిర్మాత రవిప్రకాష్‌ బోడపాటి స్టోరీ, డైలాగ్స్‌, స్క్రీన్‌ ప్లే.. ఇలా అన్నీ తనే రాసిన ఈ కథ నచ్చడంతో ఈ సినిమా చేశాం. రామ్‌ నటించిన 'జగడం' మూవీలో చైల్డ్ ఆర్టిస్ట్‌గా రామ్‌కు తమ్ముడుగా నటించిన నిహాల్‌ ఇందులో హీరోగా, 'అరుంధతి' సినిమాకు క్యాస్టూమ్‌ డిజైనర్‌గా వర్క్‌ చేసి, నంది అవార్డ్స్‌ అందుకొన్న దీపాచందర్‌ కూతురు ద్రిషిక చందర్‌ను హీరోయిన్‌గా సెలెక్ట్‌ చేశాం. తను చేసిన 'మనసా నమః' షార్ట్‌ ఫిల్మ్ కు 400 పైన అవార్డ్స్‌ వచ్చాయి.ఈ సినిమాకు వర్క్‌ చేసిన ప్రతి ఒక్కరూ చాలా హార్డ్‌ వర్క్‌ చేశారు. అన్ని కార్యక్రమాలు పూర్తి చేసి, అక్టోబర్‌ 21న గ్రాండ్‌గా ప్రేక్షకుల ముందుకు తీసుకువస్తాం' అని అన్నారు. 'ఈ సినిమా తప్పకుండా మనసుని గట్టిగా హత్తుకుని, చాలా రోజులు మీతో ఉంటుంది. సినిమా ఫస్ట్‌ కాపీ చూస్తుంటే సంతోషంగానే కాదు చాలా గర్వంగాగా కూడా అనిపించింది. ఈ సినిమాకి సంగీత దర్శకుడు అర్వీజ్‌ అద్భుతమైన సాంగ్స్‌ ఇచ్చాడు. ఇందులో ఉన్న ఐదు డిఫరెంట్‌ సాంగ్స్‌ అందరికి బాగా కనెక్ట్‌ అవుతాయి. గిడియన్‌ కట్టా ఇచ్చిన బ్యాక్‌ గ్రౌండ్‌ మ్యూజిక్ సినిమాని వేరే లెవెల్‌కి తీసుకెళ్తుంది' అని చిత్ర రచయిత, దర్శకుడు రవి ప్రకాష్‌ బోడపాటి చెప్పారు. ఈ చిత్రానికి డి.ఓ.పి : అమర్‌ దీప్‌, ఆర్ట్‌ : విజయ్‌ మక్కెన, మ్యూజిక్ డైరెక్టర్‌ : అర్వీజ్‌, ఎడిటర్‌ : ప్రవీణ్‌ పూడి.
