కౌశల్‌ క్రియేషన్స్‌ పతాకంపై భీమినేని శివప్రసాద్‌-తన్నీరు రాంబాబు నిర్మాతలుగా, నిర్ణరు పల్నాటి దర్శకత్వం వహించిన చిత్రం 'నేనెవరు'. పూనమ్‌ చంద్‌-కుమావత్‌-కిరణ్‌ కుమార్‌ మోటూరి సహ నిర్మాతలు. ప్రముఖ ఎడిటర్‌ కోలా భాస్కర్‌ తనయుడు కోలా బాలకృష్ణ హీరోగా నటిస్తున్న ఈ చిత్రంలో సాక్షి చౌదరి హీరోయిన్‌. తనిష్క్‌ రాజన్‌, గీత్‌ షా సహాయ పాత్రల్లో, బాహుబలి ప్రభాకర్‌ విలన్‌గా నటిస్తున్నారు. రాధ గోపి తనయుడు ఆర్‌.జి.సారథి ఈ చిత్రం ద్వారా సంగీత దర్శకుడిగా పరిచయం అవుతున్నారు. లవ్‌ అండ్‌ సస్పెన్స్‌ థ్రిల్లర్‌గా రూపొందిన ఈ చిత్రంలో రాజా రవీంద్ర, దిల్‌ రమేష్‌, డి.ఎస్‌.రావు తాగుబోతు రమేష్‌, వేణు, సుదర్శన్‌ రెడ్డి, నీరజ ఇతర ముఖ్య పాత్రలు పోషించారు.
ఈ చిత్రం ఆడియో అండ్‌ ప్రోమోను ప్రసాద్‌ ల్యాబ్‌లో ఘనంగా జరిగిన వేడుకలో యువ హీరోలు ఆకాష్‌ పూరి, రాహుల్‌ విజయ్‌ విడుదల చేశారు. గౌతమ్‌ రాజు, అశోక్‌ కుమార్‌, నివాస్‌, నాగబాల సురేష్‌ కుమార్‌, రాధ గోపి, సుప్రీంకోర్టు న్యాయవాది వరప్రసాద్‌, నిరంజన్‌, మాధవ్‌ తదితరులు హాజరైన ఈ వేడుకలో ఫస్ట్‌ గ్లింప్స్‌ కూడా విడుదల చేశారు. ఈ చిత్రానికి కెమెరా: సామల భాస్కర్‌, ఎడిటింగ్‌ : కోలా భాస్కర్‌ ఫైట్స్‌ : రియల్‌ సతీష్‌, కొరియోగ్రఫీ: చంద్రకిరణ్‌.జె, పాటలు: కృష్ణకాంత్‌, సంగీతం: ఆర్‌.జి.సారథి, నిర్మాతలు: భీమినేని శివప్రసాద్‌-తన్నీరు రాంబాబు, దర్శకత్వం: నిర్ణరు పల్నాటి.
