'నాటకం', 'సుందరి', 'తీస్‌ మార్‌ ఖాన్‌' వంటి సినిమాలతో దర్శకుడిగా కళ్యాణ్‌ జీ గోగణ తెలుగు ప్రేక్షకులను మెప్పించారు. భిన్న చిత్రాలు, విభిన్నమైన జోనర్లలో సినిమాలు తీస్తూ ఆడియెన్స్‌ను అలరించడంతో తన మార్క్‌ వేశారు. మాస్‌ కమర్షియల్‌ సినిమా అంటూ 'తీస్‌ మార్‌ ఖాన'్‌తో రీసెంట్‌గా ప్రేక్షకుల ముందుకు వచ్చారు. ఇదిలా ఉంటే, ఆయన దర్వకత్వంలోనే మరో కొత్త చిత్రం రాబోతోంది. నవయుగ ఎంటర్టైన్మెంట్‌ బ్యానర్‌ పై నిర్మితమవుతున్న ఈ చిత్రానికి 'కళింగరాజు' అనే టైటిల్‌ను ఫిక్స్‌ చేశారు. రవికుమార్‌, ఐ.రవి కిరణ్‌ సంయుక్తంగా నిర్మిస్తున్న ఈ చిత్రానికి నేహా సింగ్‌ సమర్పకురాలిగా, రిజ్వాన్‌ ఎంటర్టైన్మెంట్‌ ఖుషీ సహ నిర్మాతగా, శేఖర్‌ నీలోజి ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు. ప్రముఖ నటుడు హీరోగా నటించబోయే ఈ చిత్రాన్ని త్వరలోనే లాంఛనంగా ప్రారంభించనున్నారు.
ఎన్నో చిత్రాలకు పని చేసిన చోటా కె ప్రసాద్‌ ఈ సినిమాకు ఎడిటర్‌గా పని చేస్తుంటే, 'తీస్‌ మార్‌ ఖాన్‌' వంటి కమర్షియల్‌ సినిమాకి తన ఫోటోగ్రఫీతో మెప్పించిన బాల్‌ రెడ్డి సినిమాటోగ్రఫీ అందిస్తున్నారు. సురేష్‌ బొబ్బిలి ఈ సినిమాకు మ్యూజిక్ సమకూరుస్తున్నారు.
