Authorization
Mon Jan 19, 2015 06:51 pm
దర్శకుడు తేేజ ప్రస్తుతం 'అహింస' అనే యూత్ఫుల్ యాక్షన్ ఎంటర్టైనర్ను రూపొందిస్తున్నారు. ఇందులో నూతన నటీనటులు ప్రధాన పాత్రలు పోషిస్తున్నారు. ఇప్పటికే చిత్రీకరణ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ సినిమా ప్రొమోషన్స్ని చాలా వినూత్నంగా చేస్తున్నారు. తాజాగా మ్యూజికల్ ప్రమోషన్స్లో భాగంగా ఫస్ట్ సింగిల్ 'నీతోనే నీతోనే'ని విడుదల చేశారు.
ఆర్పి పట్నాయక్ ఈ పాటని మనసుని హత్తుకునే మెలోడిగా కంపోజ్ చేశారు. సిద్ శ్రీరామ్ తన బ్రిలియంట్ వాయిస్తో మెస్మరైజ్ చేయగా, సత్య యామిని వాయిస్ పాటకు మరింత మాధుర్యాన్ని ఇచ్చింది.
'కలలో అయినా..కలయికలో అయినా..కలిసుండని కాలాలైనా..నీతోనే నీతోనే.. నేనెపుడు..నాతోనే నాతోనే నువ్వేపుడు'.. అంటూ ఈ పాటకు చంద్రబోస్ అందించిన సాహిత్యం మళ్ళీ మళ్ళీ పాడుకునేలా ఆకట్టుకుంది.
ఈ చిత్రంతో అభిరామ్ హీరోగా పరిచయం అవుతున్నాడు. గీతిక కథానాయికగా నటిస్తోంది. ఆనంది ఆర్ట్ క్రియేషన్స్ పతాకంపై పి.కిరణ్ ఈ చిత్రాన్ని నిర్మిస్తున్నారు.
చాలా కాలం తర్వాత, తేజ, ఆనంది ఆర్ట్స్ క్రియేషన్స్, ఆర్పి పట్నాయక్ల సక్సెస్ ఫుల్ కాంబినేషన్ ఈ సినిమా కోసం కలవడం విశేషం.
రజత్ బేడీ, సాధా, రవి కాలే, కమల్ కామరాజు, మనోజ్ టైగర్, కల్పలత, దేవి ప్రసాద్ తదితరులు నటిస్తున్న ఈచిత్రానికి కథ, స్క్రీన్ప్లే, దర్శకత్వం: తేజ, నిర్మాత: పి కిరణ్, సంగీతం: ఆర్పీ పట్నాయక్, డీవోపీ : సమీర్ రెడ్డి, ఎడిటర్: కోటగిరి వెంకటేశ్వరరావు, డైలాగ్స్: అనిల్ అచ్చుగట్ల, సాహిత్యం: చంద్రబోస్, ఆర్ట్: సుప్రియ, యాక్షన్ డైరెక్టర్: బివి రమణ, ఫైట్స్: రియల్ సతీష్, కొరియోగ్రఫీ: శంకర్, సిజి: నిఖిల్ కోడూరి.